________________
नरए गंतूण तओ भवे भवे रसणपरवसो एवं । अणु/जिही दुहाई छेयणमरणाइजणियाइं ॥१८॥ 'मच्छाइएसु जम्मेसु घिसहंतोऽणंतयं भवं भमिही । इय जीवाण दुरंता जिभिदियलोलया भणिया ॥
॥ इति जिह्वेन्द्रियविपाके मधुप्रियश्रेष्ठिसुताख्यानकं समाप्तम् ॥
___ अथ स्पर्शनेन्द्रियविपाके महेन्द्राख्यानकमुच्यते-- विस्सउरं नाम पुरं कोडिपडागाओ रिद्धिमंताण | जत्थुब्भिया उ नजति सयलपुरजयपडागाओ॥१॥ धरणिंदो नाम तहिं राया सेसोव्व धरियमहिवलओ | चूडामणिकिरणज्जोइयाणणो भोगसंपन्नो ॥२॥ तस्स महिंदो नाम पुत्तोऽणंगो व्य रूवसंपन्नो | तत्थ य मयणो नाम पुत्तो इभस्स सेट्ठिस्स ॥३॥ मेत्तिं महिंदकुमरो करेइ सह तेण दोऽवि तो सम्मं । भोयणसयणाईयं कुणंति समगं परिभमंति ॥४॥ तो सयलजणपसिद्धो नेहो एयाण तत्थ संजाओ । नामेण चंदवयणा भजा मयणस्स वररूवा ॥५॥ देहसुकुमारयाए तीए विजियाण कमलिणिदलाणं | मन्ने जलम्मि वासो सिरीसकुसुमाण य अरन्ने ॥६॥ तीसे य सहत्थेणं देतीइ गिहागयस्स तंबोलं । रायतणयस्स लग्गो हत्थो हत्थम्मि सुकुमारो ॥७॥ १. नरगाइदुहाई चिय विस-सर्वत्र ।।
|| ३७७॥
