________________
छब्वासार्ड विहरइ गोसालो जिणवरस्स पयमूले । बहुआवईण मोएइ तं जिणो तत्थ करुणाए ॥१५॥ कम्मारगामनयरं सिद्धत्थपुराओ पत्थियम्मि जिणे । पेक्खेइ वेसियायणबालतवस्सिं बतिस्स Ran खलियारेड अणज्जो तं गोसालो तओ य सो कुविओ। पक्खिवह तेयलेसं तस्स वहट्टाए तो भयवं ॥१७ करुणाए सीयलेसं मुंचइ गोसालयस्स रक्खट्ठा । तो निययतेयलेसं नाऊणं पडिहयं तीए ॥१८॥ संहरइ वेसियायणबालतवस्सी तओ य भीएण | गोसालेणं पुट्ठो भयवं ! कह तेयलेसाए ॥१९॥ लद्धी इह उप्पज्जइ ? तो भणियं भयवया कुणड जो उ । छठंछट्टेण तवं कुम्मासाणं च सणहाए ॥२०॥ पिंडीए पारणयं करेइ वियडासणेण एक्केण | आयावणभूमीए आयावइ उड़बाहाहिं ॥२१॥ छम्मासाणं मज्झे उप्पज्जइ तस्स तेयलद्धि त्ति । इय संपहारिऊणं चिट्ठइ सो सामिपासम्मि ॥२२॥ कुम्मग्गामपुराओ सिद्धत्यपुरम्मि अन्नया भयवं । संपट्टिओ तहिं सो पुच्छियतिलवइयरो पुदिव ॥२३॥ परिगहियनियइवाओ अइचवलत्तण तुच्छ्याए य । वच्चइ कयग्घयाए य अन्नहिं सामिपासाओ ॥२४॥ तो छम्मासतवेणं तेयनिसग्गं पसाहए एसो । आजीवियमग्गं पयडिऊण मेलेइ नियसंघं ॥२५॥ अह अन्नया कहं पि हु तस्स इमे छदिसाचरा मिलिया । सोणे तह य कलिंदे कणियारे चेव अच्छंदे ॥ तह अग्गिवेसियायण अज्जुणगोमाउपुत्त नामे य । अटुंगनिमित्तं तेहिं तस्स पुव्वगयमुवाद ॥२७॥
।। ३२१ ।।
