________________
भुजंता फलमाई इओ तओ परिभमंति तो सेट्ठी । एकल्लओ भमंतो पेच्छइ एक्कंमि तरुमूले ॥८॥ सोमत्तणेण सोमं व तेयसा दिणयरं पिव फुरतं । स्वेण निरुवमं चिय यालयमेकं गुणेक्कनिहिं ॥९॥ तो विनाओ तेणं असरिसकुलसंभवो इमो कोइ । केणइ कम्मवसेणं इह पक्खित्तो त्ति न मुणेमो ॥१०॥ इचाइ चिंतिऊणं गहिओ अवसारिऊण सो तेण | आणेऊण ग छन्नो समप्पिओ निययभजाए ॥११॥ | आसि मह गूढगम्भा भज्जा सा अन्ज पसविया पुत्तं । एवं पगासिऊण य बद्धावणयं कयं तेण ॥१२॥
देसंतरंमि तत्तो गंतं पुणरवि समागओ एसो । सेयधियानयरीए पुणरवि वद्धावणं कुणइ ॥१३॥ | दिन्नो य सागरेणं ति नाम पुत्तस्स तेण संठवियं । सागरदत्तो त्ति तओ सुहेण परिवड्ढए एसो ॥१४॥
नरवइसुयसमुचियकीलणेहिं कीलइन वणियसरिसेहि।।
न य चरइ बालचरिएहिं नेय पागयसरिच्छेहिं ॥१५॥ किंतु गायत्तणेणं वहतो जणइ सो महच्छरियं । गिण्हइ अचिरेणं चिय कलाओ सयलाओ समयम्मि ।
किंतु भणिजंतस्स वि न आयरों वणिजणारिहकलासु ।
रायसुयसमुचियाओ सिक्खइ जत्तेण पुण ताओ ॥१७॥ रायसुएहिं चिय सह करेइ संगं न पागयजणेहिं । अह संघडिओ सुजसो रायसुओ सह अहिजंतो ॥
|| २८१ ॥
