________________
सयलावरोहसारा ललियंगी नाम पणइणी तस्स । संपज्जइ एयाणं सयलं पि समीहियं रजे ॥३॥ | किंतु निरवचया नरवइस्स बाहइ सया वि नियचित्ते | अह अन्नया निसाए निसीहसमयम्मि निसुणेइ ॥ वीणावेणुसणाहं महुरं गेयझुणिं पुरुजाणे | उट्टे सयणाओ गओ तओ तत्थ नरनाहो ॥५॥ पेच्छइ य जिणाययणं कुणमाणे खेयरे य पेच्छणयं । तो कोउयअक्खित्तो जा पेच्छइ तत्थ खणमेगं ॥६ ता ते पूयाईयं किच्चं काऊण जिणवरिंदस्स । आसन्ने उजाणे गंतुं कीलंति कयलिहरे ॥७॥ अह तस्स नियंतस्स वि समागयं तत्थ खेयराण बलं । तन्नायगेण तत्तो पुरिमेल्लो हक्किओ खयरो ॥८॥ आओहणं पलग्गं दुण्हं पि हु ताण खेयरबलाणं । दूरं गयाइं दोन्नि वि तत्थ ठिया खेयरी एका ॥९॥ | पेच्छंतस्स य रन्नो खणेण एको समागओ खयरो | जा गिहिस्सइ तं खेयरिं ति ता तीए पोकरियं ॥ तो हक्किओ निवेणं स खेयरो मज्झ भो ! नियंतस्स | पाविजइ अवहरि न इत्थिया नाहपरिहीणा ।।
अह कड्ढियकरवालो राया खयरो य दोऽवि रणकुसला ।
जुझंति विविहकरणेहिं वग्गमाणा महासुहडा ॥१२॥ विजाओ य नरिंदे न कमंति हयाओ गरुयपुन्नेहिं । निहओ खणेण खयरो घाएहिं निवो वि हु पडिद्धो ॥ तयवत्थं रायाणं दटुं सरिउं च निययभत्तारं । विलवेइ खेयरी आगओ य अह तीए भत्तारो ॥१४॥
