________________
निच्छूढेणं दिट्टो एक्केणं तत्थ गयवरिंदेण | तिक्खदसणेहिं विद्धो वेरं सरिऊण तो तेण ॥४६॥ सत्त अहोरत्ताइं तब्बियणाए तओ समकतो । वीसुत्तरवाससयं सवाउं पालइत्ताणं ॥४७॥ अज्झाणोवगओ वंधित्ता आउयं तिरियजोगं | पजते मरिऊणं इह चेव य भरहवासम्मि ॥४८॥ विंझगिरिपायमूले चउदंतो पवरलक्खणसमग्गो । सत्तसयजूहनाहो सो जायइ गंधहत्थि त्ति ॥४९॥ मेरुप्पभो त्ति नामेण भमइ गिरिसेलकाणणाईसु । गिम्हमि अन्नया वणदवग्गि गुरुसंभमो जाओ ॥५०॥ इय अग्गिसंभमो दिठ्ठपुचओ कत्थई मए ? एवं । ईहं कुणमाणस्स य जाईसरणं समुप्पन्नं ॥५१॥ पढमम्मि पवत्ते पाउसम्मि पत्ते अह कत्थई पएसम्मि । बहुएहि हत्थिमाईहिं रुक्खत्तणकट्ठमाईणि ॥५२॥ उद्धरि एगते एडावेऊण मंडलं गरुयं । कारेइ अत्तजूहद्दयाए दवसंभमे ठाउं ॥५३॥ मज्झिमवासारत्ते वीयं पि हु मंडलं करावेइ । वासारत्तसमत्तीइ कारए मंडलं तइयं ॥५४॥ तत्तो गिम्हम्मि पुणो जाए दवदहणसंभमे स करी | तह चेव पलाणो पढमथंडिले जाव संपत्तो ॥५५॥ ता तं सयलं रुद्धं चित्तयवयवग्घहरिणमाईहिं । तह बीयं पि हु रुद्धं करुणाए तं पि परिहरि ॥५६॥ तइयम्मि ठिओ गंतुं परिवारसमनिओ तओ पायं । कंडुयणत्थं उक्खिवइ जाव ता तस्स ठाणम्मि ॥ आगंतूण पविट्टो ससओ दिहो य तेण करुणाए। पाओ तत्थ न ठविओ उक्विविऊण वि ठिओ धीरो॥
