________________
अज अभिप्पाओ एरिसो त्ति, जाओ तओ इमो भणइ ।
आमंति तओ भणियं, जिणेण सो भद्द ! न हु जुत्तो ॥२२॥ Kell गुरुसत्ताणं तुम्हारिसाण परिणयजिणिंदवयणाणं । जमणाइभवे चिट्ठउ नरगाइदुहं समणुभूयं ॥२३॥ | Koll पत्तो अणंतरम्मी तइयम्मि भवम्मि जं नए दुक्खं । अणुभूयं तदवेक्खाए एत्थ तुह किं दुहं भद्द ! ॥२४॥
तो मेहेणं भणियं किं तत्थ मए जिणिंद ! अणुहूयं ।
दुक्खं ति ? तओ पभणइ जिणो निसामेह एक्कमणो ॥२५॥ इह चेव भरहवासे वेयड्ढगिरिंदपायमूलम्मि | वणयरऽभिहियभिहाणो तुम सुमेरुप्पभो नाम ॥२६॥ आसि गइंदो एत्तो तइयभवे भद्दजाइसंपन्नो । जूहसहस्साहिवई सत्तंगपइडिओ पवरो ॥२७॥ गिरिनिज्झरकंदरकाणणेसु वरकलभकलभियाहिं समं । तस्स रमंतस्स तओ पमुइयचित्तस्स कइया वि॥ जणसुद्दयंमि वसंते समइकंतमि मच्छरेणेव । संतावमावहंतो खलो व्य गिम्हो पवत्तेइ ॥२९॥ जो पयह पयाओ सया भुवणागरणम्मि पक्खिवेऊण | चंडंसुहुयवहेणं धममाणो चंडपवणेहिं ॥३०॥ हारमणिचंदचंदणखीमजलद्दाजलासयवणाई । जलजंतगिहाणि य जत्थ सेवए सायरो लोओ॥३१॥ पिकफलभरसमोणयसहयारवणेसु वीसमंताणं । पहियाण जत्थ जायइ विग्यो गमणम्मि सुइरं पि ३२||
