________________
R
न लहइ भोत्तुं सोउं व काउमन्नं व किंपि सेच्छाए । नेरइयाओ किमन्नं सो भन्नउ ? ता इमो नरओ ॥ अन्नेहिं पुणो भणियं नरओ इह चेव राय ! दारिदं । नीसेसपरिभवाणं ठाणं दुक्खेकानिलयं च ॥१७॥ केहिं पि पुणोऽभिहियं इह चेव य दीसए इमो नरओ । चंडालाई तह दीहरोगिणो गुत्तिखित्ताई ॥१८॥ कुंभीपागो नरओ इय केई अन्नमन्न पुण अन्ने । जंपति तओ नाउं सुमिणविसंवाइवयणे ते ॥१९॥ पुहईसरो विसज्जइ अन्नियपुत्ता तओ तहिं अत्थि | आयरिया जिणसासणकुसला वुड्ढा य गीयत्था ॥ हकारिऊण पुट्टा नरयसरूवं इमे नरिंदेण | तेहिं पिपुव्ववन्नियरूयं सव्वं पिपरिकहियं ॥२१॥
तो भणइ पुप्फचूला किं तुझेहिं पि सुमिणओ दिट्ठो ? । जेण विसंवयह न अक्खरं पि तुम्भेहिं परिकहियं ? ॥२२॥ तित्थयरगणहरेहिं दिट्ठा नाणेण एरिसा निरया।
सुमिणो उण न हु कोइ वि दिट्ठो इय सूरिणा भणिए ॥२३॥ वंदेऊण विसर्जति ताई देवो य अन्नरयणीए । दंसेइ देवलोए जहट्ठिए तीइ सुमिणम्मि ॥२४॥ अन्नन्नासु वि रयणीसु पेच्छए जाव सा महच्छरियं । तं सुरवराण सोक्खं हरिसियहियया तओ कहइ॥ नरवइणो तो सोऽवि हु सद्देउ तिथिए तह चेव । पुच्छेइ केरिसा ते विजंते देवलोय त्ति? ॥२६॥
॥१६१॥
