________________
इय पभणंतेहिं मुहं भरियं वीहीण तस्स तह बद्धं । निहओ निरुद्धसद्दो सुहभावगओ तओ एसो ॥४६ वेमाणियदेवेसुं सम्मदिट्टीसु तह महिड्ढीसु । उववन्नो तो पत्तो वंदेउं केवलिं भयवं ॥४७॥ अह नमिउं थोऊण य भत्तीए पभणए इमं भयवं !। तुम्ह पसायमहादुमकुसुमं पत्तं मए एत्तो ॥४८॥ जं करणिज्ज आइसह तंपि तो कहइ केवली धम्म । सो तं तह त्ति पडिवजिऊण पणभेइ मुणिनाह !॥. किं एस रुद्ददेवो पडिबुझिस्सइ ? भणेइ तो नाणी । तुह सत्तीए महया किच्छेणं सावओ होही ॥५०॥ इय कहिउं सो भयवं विहरइ अन्नत्थ भणकुडंबे । देवोऽवि कुणइ कोढं सयलंमि वि तो विहेऊण ॥ मुणिरूवं तत्थ गओ पुट्ठो तेहिं पि मुणसि तं किं पि । आमं ति तेण भणिए फेडसु कोडं ति अम्हाणं ॥ इय भणिए भणइ मुणी जइ जायह सावयाइं तो ताई। पभणंति वरि मरामो न इमं ढंढं पवजामो॥ तो गाढं पीडेउं गओ सुरो आगओ य कालेण । मुणिवेसेण अलीयं पडिवजे तओ ताई ॥५४॥ जायाई सज्जाइंन कुणंति य सावयत्तणं तत्तो । देवेण पीडियाइं अभहियं चिय तओ ताई ॥५५॥ कालंतरेण पुणरवि तह विहियं सावयत्तणं अलियं । पुणरवि य पीडियाइं इय जाव अणेगवाराओ॥५६ | तो मया किच्छेणं भएण साहूण चरणमूलम्मि । निसुणंताणं धम्मं च परिणतं जिणमयं तेसिं ॥५७॥ | सिज्झिस्संति कमेणं महुदेवो उण तओ चुओ संतो | गंतुं महाविदेहे सिज्झिहिइ अणंतरभवम्मि ॥५८॥
॥ १५५॥
