________________
H
KACHAKALAKAARic
Eणाण पचक्लस्वपुंजोय । विहीयाणुट्ठाणत्थं सुसिलिट्ठनिविट्ठमणपसरा ॥ ९७ ॥ नरनाहकुलभवाणं ईसरकुलसंभवाण सुकु-
लाणं । अन्नामि च बहूर्ण समणीण पहुत्तणं पत्ता ॥ ९८॥ रुवेण तणूसुकुमारयाए वन्नेण देहपभवेण । निद्धच्छवीए परिवद्रियाए दढसंनिरोहाओ ॥ १९॥ असुराण णराण णहच्चराण णारीण मंगलावन्नं । एक्कपए च्चिय निभच्छणाए पयमुवणमंतीए ॥ १०० ॥ कोइलकुलाउ अइकोमलेण कन्नामयं झरतेण। पंचप्पयारमणुचिटुंती सद्देण सज्झायं ॥१०१॥ संभमवसमिलियमहीयलेण सीसेण वंदिया गणिणी । संनिहियसाहुणीवि य तीए सा निद्धदिट्ठीए ॥१०२॥ अवलोइया चिरंभासियाय तकालउचियवयणेहिं । कहिओ दाणाइओ चउविहो जिणमओ धम्मो ॥१०३॥ तं जहा;-दाणं सीलं तव भावणा य धम्मो चउधिहो एस । णाणाभयधम्मोवग्गहाणुकंपावियरणाओ॥ १०४ ॥ पुण चउभेयं दाणं णाणपयाणं | कहिजए तत्य । जीवाण मोहबहुलाण तत्तचिंताविउत्ताणं ॥ १०५ ॥ जं वोहस्सुप्पायणमार भइभदियाइं भणिईहिं। भवाण जियाणं सपरसमयकुसलेण गुरुणेह ॥ १०६ ॥ पियपाणाणं पाणीण पाणदाणं विहिज्जए जमिह । तं अभयपयाणं देसमवभेएण दुविगप्पं ॥१०७॥ धम्मियाण धम्मियमणाण समणाण सावयाणं च । अन्नाईहिं उवग्गहकरणं चित्तेण कुसलेणं ॥ १०८ ॥ तं धम्मोवग्गहदाणमाहु अणुकंपदाणमिणमुत्तं । दुहियाणदुत्थियाणं जमुचिय उवयारकरणं तु ॥ १०९ ॥ जं इंदियणोइंदियविगारपरिवजणं कसायजओ । सीलं चित्तसमाहाणलक्खणं भन्नए एयं ॥ ११०॥ कम्मपरितावकारणमुववासाई तयो अणेगविहो । जो अगिलाए अणाजीवणाए कीरइ विवेगीहिं ॥ १११॥ जं जीवियधणजोयण-18|| मुहाण सणभंगुरत्तणं हियए। भाविजइ एसो भावणागओ भासिओ धम्मो ॥ ११२॥ एसो सयलाण सुहाण खाणिभूओ
ASIAGOSTOSKOSMOSA ASASIE
