________________
२० ],
कविवर वृन्दावन विरचित
दोहा । .. ताते शुद्धपयोगके, जे सम्मुख हैं जीव । तिनको शुभ चारित्रमहँ, रमनो नाहिं सदीव ॥ ३८ ॥
(१४) अशुभ परिणामोंका फल
माधवी। अशुभोदयसे यह आतमराम, अनंत कलेश निरंतर पायो । कुमनुण्य तथा तिरजंचनिमें, बहुधा नरकानलमें पचि आयो ।
नहिं पार मिल्यो परिवर्तनको, इहि भांति अनादि कुकाल गमायो । ६ अब आतम धर्म गहो सुखकन्द, जिनिंद जथा भवि वृन्द बतायो ॥३९॥
दोहा । महा दुःखको बीज है, अशुभरूप परिणाम । याके.. उदय अनन्त दुख भुगते आतमराम ॥ ४० ॥ दारिद दुखनर नीचपद, इत्यादिक फल देत् । नारकगति तिरजंचगति, याको सहज निकेत ॥ ४१ ॥ तातै तजिये सर्वथां, अव्रत विषय-कषाय । .. याके उदय न बनि सकत, एको धर्म उपाय ॥ ४२ ॥ शुभ परिनामनके विय, है विवहारिक धर्म । दया दान पूजादि बहु, तप संयम शुभकर्म ॥ ४३ ॥ ताहि कथंचित धारिये, लखिये आतमरूप । शिवमगको सहकार यह, यों भाखी जिनभूप ॥ ४४ ॥
