________________
वीरवाण रिष नारद जोगण रंभ रळे, बैयवार अड़ी सल लोह मिळे । गज सार अपार तोषार गुडै, रणकार अपार नंगार रूड़ ।।
बैयवार उरां तरवार वहै, कोयवार चंडी जैयकार कहै । भय आयर कायर षेत भजै, सजहार गळे जटधार सजै ।।
वैयवार जुझार गजां मुरड, जिण वार गोगोय जोयार जुड़े । भुज धार बंभार दुरार भड़ां, छणकार षगां रणकार छड़ां ॥
रिण रार सुरां अयगार रूड, भुय भार उतारण काज भिड़ । षग धार गजां असवार षपै, जैकार जट धार जैकार जपै ॥
घुब ताळ धुवाळ कराळ धुबै, बैताळ धुवाळ पंषाळ वजै । सेयलाळ धड़ाळ भड़ाळ सिलै, हद षाळ नदी लोहाळ हलै ॥
. जरदाळ घंटाळ दंताळ जई, भुरजाळ घड़ी विकराळ भई । · वैयमाळ कपाळ धराळ वहै, बैंगाळ दटाळ भोपाळ षैहै ॥
प्रळे काळ सेलाळ धड़ाळ पडै, कड़ियाळ चुनाळ तइ कड़ड़े । बंबाळ वियो रायपाळ बरै, षिमनाळ पुराळ है नाळ पुरी ॥
. धम चाळ अचाळ त्रमाळ घुरी, धूवहाळ मराळ दंताळ धुषै ।
भोयपाळ पंखाय गूदाळ भषै, चोटीयाळ लिया अत वोम चढ़ ।
. परनाळ घड़ा लोहाळ पड़, घड़ियाळ वजै किरमाळ घड़ी।
षेतपाळ रजै वैयताळ षड़ी, घर व्योम पताळ धड़हड़िया ॥
