________________
वीरवाण
विध तीर गुणांय धुकार बजै, ग्रह जाण वषा रुत मेघ घुरैजै । संक कुरम सेस सळसळिया, अत वेध दहूँ दळ आफळिया ।।
उवलां भुज यूषग व्योम अड़े पैयलां सिर मार अपार पड़े। जोइयां जद भारथ वाज जुवो, हक होय त्रषावंत साथ हुवो ॥
झिलियां मुंह घावांय हुँत झरे, पिंड वेदल व्याकुल नीर पषै । लड़तां जद कानोय धीर लियो, कूड जद रांणक दाव कियो ।
उर दादर घायक ओळवियो, कल मेलण गोग कनै क्रमियो। भड़ रांणक गोगाय हूंत भरणी, तैयवात हळाहळ मेळ तणी ॥
वध वीरम पाग दलो वहियो, सोइ भिंच दलो तैइ संग्रहियो । घर दोय मिलो कर हेत घणो, तिल सोच रैयो नहीं वैर तरणो॥
कर जोड़ उभै कुरनस करै, धुबवा फिर धीरदे हूँस धरै । हक होयकदादर फूट हियो, पोह नीर जीते ज़ोइयों जुपियो ॥
सोषेय जळ सायर रो सधरो, बळ दाष विरोवर उवंवरो। क्रमियो जद रांणक कूड़ करै, धुववा फिर धीरोय हूँस धरै ।।
जपियो जद रोदांय घात जुवो, हुवा सुर गोगो हुसियार हुवो । हुसियार संसार साधार जुवो, दायतार जूझार सलष दुवो ॥
सत्रु चुर करुरह : गोग सही, गह पुर करां समसेर सही। सह जीत पूर्वीत दळां सबळां, दोउं वेध दरसिय दोय दळां ॥
