Page Text
________________
निरयावलिया तए णं से कूणिए कुमारे अन्नया कयाइ सेणियस्स रन्नो अंतरं जाणइ, जाणित्ता सेणियं रायं नियलबंधणं करेइ, करेत्ता अप्पाणं महया महया रायाभिसेएणं अभिसिंचावेइ । तए णं से कूणिए कुमारे राया जाए महया महया...। तए णं से कूणिए राया अन्नया कयाइ ण्ाए जाव सव्यालंकारविभूसिए चेल्लणाए देवीए पायवंदए हव्वमागच्छइ । तए णं से कूणिए राया चेल्लणं देविं
ओहय० जाव झियायमाणिं पासइ, पासित्ता चेल्लणाए देवीए पायग्गहणं करेइ, करेत्ता चेल्लणं देवि एवं वयासि-किं णं अम्मो, तुम्हं न तुट्ठी वा न ऊसए वा न हरिसे वा नाणंदे वा ? जं णं अहं सयमेव रज्जसिरिं जाव विहरामि | तए णं सा चेल्लणा देवी कूणियं रायं एवं वयासि कण्णं पुत्ता, ममं तुट्ठी वा उस्सए हरिसे वा आणंदे वा भविस्सइ ? जं णं तुम सेणियं रायं पियं देवयं गुरुजणगं अच्चंतनेहाणुरागरत्तं नियलबंधणं करित्ता अप्पाणं महया रायाभिसेएणं अभिसिंचावेसि । तए णं से कूणिए राया चिल्लणं देवि एवं वयासी-घाएउकामे णं अम्मो, मम सेणिए राया, एवं मारेउं बंधिउं निच्छुभिउकामए णं अम्मो, ममं सेणिए राया, तं कहन्नं अम्मो ममं सेणिए राया अच्चंतनेहाणुरागरते ? तए णं सा चेल्लणा देवी कूणियं कुमारं एवं वयासी-एवं खलु पुत्ता, तुमंसि मम गब्भे आभूये समाणे तिण्हं मासाणं बहुपडिपुन्नाणं ममं अमेयारूवे दोहले पाउन्भूए-धन्नाओ णं ताओ अम्मयाओ जाव अंगपडिचारियाओ निरवसेसं भाणियव्वं जाव जाहे वि य णं तुम वेयणाए अभिभूए महया जाव तुसिणीए संचिट्ठसि एवं खलु तव पुत्ता, सेणिये राया अच्चंतनेहाणुरागरत्ते । तए णं कूणिए राया चेल्लणाए देवीए अंतिए एयमह्र सोच्चा निसम्म चिल्लणं देवि एवं वयासि-दुटुं णं अम्मो, मए कयं, सेणियं रायं पियं देवयं गुरुजणगं अञ्चंतनेहाणुरागरत्तं नियलबंधणं करतेणं, तं गच्छामि णं सेणियस्स रन्नो सयमेव नियलाणि छिंदामि त्ति कट्टु परसुहत्थगए जेणेव चारगसाला तेणेव पहारित्थ गमणाए।
| SR No. | 010730 |
| Book Title | Prakrit Sahitya Ka Itihas |
| Original Sutra Author | N/A |
| Author | Jagdishchandra Jain |
| Publisher | Chaukhamba Vidyabhavan |
| Publication Year | 1961 |
| Total Pages | 864 |
| Language | Hindi |
| Classification | Book_Devnagari |
| File Size | 45 MB |