________________
( ८५ ) राम कहई किण आपदारे, सानिधि करिज्यो सांमि । केवली महिमा साभली रे, नगरी-नगरी ठाम-ठाम ॥ ७० । पू०। नगर-नगर ना राजवी रे, तिहाँ आया सहु कोय । राम कीधी पूजा साधनी रे, ते देखी रह्या जोय ।। ७१ । पू० । वंसत्थल पुरनो धणी रे, आयो सुरप्रभ भूप । राम सीता लखमण तणी रे, कीधी भगति अनूप ॥ ७२ । पू० राम आदेश तिणि गिरइ रे, सहु राजवीये तार। जिनप्रासाद करावियो रे, प्रतिमा रतन उदार । ७३ । पू०। कीधी रामइ तिणि गिरइ रे, क्रीडा अनेक प्रकार। ते भणी रामगिरि तेहनत रे, प्रगट्यो नाम उदार ।। ७४ । पू० । सातमी ढाल पूरी थई रे, साभलिज्यो इक मन्न । चउथउ खंड पूरो थयो रे, समयसुंदर सुवचन्न ।। ७५ । पू० ।
[ सर्वगाथा २२८] इतिश्री सीताराम प्रवन्धे केवलि महिमा वर्णनो नाम चतुर्थ खंडः।।
खंड ५
दहा ५
हिव वोल्युं खंड पाचमो, पाच मिल्या जसवाद । पांचामाई कहीजियई, परमेसर परसाद ॥१॥ सीताराम सहू बली, आगई चाल्या धीर । दण्डकारण्य वनइ रह्या, कन्नरवान तीर ॥२॥ नदी स्नान मज्जन करई, वन फल मीठा खाई। वस कुटीर करी रहइ, सुखइ दिवस तिहाँ जाइं ॥३॥
