________________
( ८२ ) काईक धरम विराधियो रे, कीधो अनुक्रमि काल । गुरुडाधिप देवता थयां रे, खेमंकर भूपाल ।। ३८ । पू०। ते अणुद्धर पणि एकदा रे, कौमुदी नगर मझार । तापस सेती आवीयो रे, अगन्यान कष्ट अपार ।। ३६ । पू० । वसुधारा राजा तिहीं रे, पिण तापसनो भक्त । मदनवेगा तसु भारिजा रे, ते जिन धरम सुं रक्त ।। ४० पू०। इक दिन राणी आगलई रे, वसुधारा राजान । तापस परसंसा करई रे, को नहि एह समान ।। ४१ । प० ।। राणी तउ सुध श्राविका रे, सह न सकई कहइ राय । ए अगन्यांन मिथ्यामती रे, मुम नइ नावइ दाय ।। ४२ । पू० । साचा साध तो जैनना रे, जीवदया प्रतिपाल। निरमल सील पालइ सदा रे, विषय थकी मन वाल ।। ४३ । पू० सत्रु मित्र सरिषा गिणइ रे, नहि किणसुं राग रोस । आप तरई नई तारवइ रे, निरुपम गुण निरदोस ।। ४४ । पू० । राणी वचन सुणी करी रे, रीसाणउ नर राय । तुं जिनधरम नी रागीणी रे, तिण तापस न सुहाय ॥४५॥ पू० । राणी कहइ राजन सुणउ रे, तापसनी एक वार । दृढता देखउ धरमनी रे, सगली लहिस्यउ सार ॥ ४६ । पू० । इम कहि राणी आपणी रे, बेटी रूप निधान । मुकी,तापसनी मढी रे, निसि भर नव जोवान ॥ ४७ । पू० ॥ ते कन्या गई एकली रे, प्रणम्या तापस पाय । करजोडी करइ वीनतो रे, साभलो करि सुपसाय ।। ४८। पू०॥
