________________
सवासो सीख
श्री सदगुरु उपदेश सभारो, धर्मसीख ए सुबुद्धि धारो । विधि सह माहि विवेक विचारो, सगला कारिज जेम सुधारोश प्रथम प्रभाते शुभ परिणाम, नित लीजे श्री भगवंत ना नाम । धणी रा स्वामिधरम मे रहिजें, कथन न मुख थी झूठ कहिजै ।। धरम दया मन माहे धार, अधिको सह मै पर उपगार । वात म करि जिहा वसिवौं वास, वैरी नौ म करे विश्वास ॥३॥ वरजे सन स ठामि व्यापार, चालें अपणे कुल आचार । माइतारी आण म खंडै, मोटा सेती हठ म मंडै ॥४॥ झगडे साख म देजे झूठी, आप वडाइ न करि अपूठी । म लडे पाडोसीसु मूल, अपणा सु होजे अनुकूल ॥॥ सजि व्यापार तु पुजी सारू, अटकलि ठाम देइ उधारू । रखे वधारे ऋण नै रोग, लखण लीजै ज्यु हसै न लोग ॥६।। वसती छेह म करिजे वास, पापी रै मत रहिजै पास । ऊचौ मत सूए आकाश, वित्त छतै म करै देखास ॥७॥ दिल रो स्त्री ने भेद न दीजै, कदे ही साम पंथ न कीजे । सुत भणावे डर डाकर साधे, म चाढे लाड म मारै माथै ॥८॥ नान्हा ते मत जाणे नान्हा, छिद्र पराया राखे छांना । अधिकारी म करे अदिखाइ, भंभेरे मत भूप भखाइ ।
