Page Text
________________
१२८० महामुनिश्रीव्यासप्रणीतं
[ ६ उत्तरखण्डेजालंधर उवाचगच्छ त्वं पुरतो रुद्रं विमोहय रणे द्रुतम् ॥
नारद उवाचइत्युक्ता दैत्यपतिना ययौ मायामयी जया । रणे गत्वा शिवस्याग्रे मुक्तकेशी रुरोद ह ॥ १६ पृष्टा हरेण सा प्राह मानसोत्तरपर्वतात् । हृता तव प्रिया देव पार्वती सिन्धुसूनुना ॥ श्रुत्वेति वचनं तस्यास्तामुवाच वृषध्वजः ॥
शिव उवाचजये त्वमेहि वृषभं त्वां हरिष्यन्ति दानवाः ।।
नारद उवाच --- ततो वृषभमारुह्य जया चाऽऽलिङ्गय शंकरम् । प्राह प्रयामि पार्वत्या न जीवामि विना हर १९ चन्द्रं शंभुजटाविष्टं गृहीत्वा वृषभाद्रुतम् । अवरोहत सा माया मायात्यक्तो रणं ययौ ॥ २० ततो गौरी हृतां श्रुत्वा चिन्तयामास शंकरः । दैत्यमायापरिप्वक्तो नाऽऽत्मानं बुबुधे नृप ॥२१ एतस्मिन्नन्तरे प्राप्तः सैन्येन महता वृतः। मायामृडानी स्वरथे निधायार्णवजः शिवम् ॥ २२ जालंधरजये तद्वदासीद्वा तत्र निस्वनः । चचाल वसुधा येन प्रतिनेदुर्महीधराः॥ २३ हरस्य दर्शयामास पार्वती सिन्धुनन्दनः । रुद्रोऽप्यरिरथस्थां तां ददर्श निजवल्लभाम् ॥ २४ वियोगविधुरां दीनां तन्वीमातुरलोचनाम् । हा नाथ प्रिय रुद्रेतिप्रजल्पन्तीं पुनः पुनः॥ २५ प्रौढवैरिरथे दृष्ट्वा पाषण्डिस्था यथा श्रुतिः। गौरी दध्यौ तथा स्थाणुः कथं प्राप्या प्रिया मया ॥ विललाप ततः शंभुर्दैत्यमायाविमोहितः । मद्रामा दानवैः कान्ते हृताऽसि त्वं कथं प्रिये ॥ २७ शोकमोहप्लुतं दृष्ट्वा शंकरं सागरात्मजः । जगाद प्रहसन्वाक्यं कश्चित्कारुण्यवान्यथा ॥ २८
जालंधर उवाचसर्वप्रमाणशून्योऽसि स्मरशृङ्गारवर्जितः । ईश्वरोऽपि वराकस्त्वं संजातोऽम्बिकया विना ॥ २९ मा रुदिहि विरूपाक्ष ददामि तव वल्लभाम् । रक्षितोऽसि मया रुद्र गृहीत्वा पार्वती रणात् ३०
नारद उवाचइत्युक्त्वा गिरिशं तूर्णमुत्तार्य स्वरथादुमाम् । सैन्यं संप्रेषयामास शंकराभिमुखं किल ।। ३१ हरोऽपि वृषभेणाऽऽशु तत्सन्यं समधावत । ग्रहीतुं पार्वती याहि त्राहि त्राहीतिजल्पतीम् ॥ ३२ यावगृह्णाति तां गौरी करेण वृषभध्वजः । तावच्छुम्भासुरः शीघ्रं गृहीत्वा चाम्बरे स्थितः॥३३ शूलं मुमोच बलवान्हन्तुं शुम्भासुरं हरः । शुम्भेन सा परित्यक्ता शूलोपरि पपात च ॥ ३४ रुदती चारुसर्वाङ्गी त्यक्ता शलेन संयुता । पतिता शंकरस्याग्रे तथा त्यक्ता ममार च ॥ ३५ मायागौरी मृतां दृष्ट्वा शोकमोहपरिप्ठतः । हा प्रियेति रुदन्द्रः पपात भुवि मूर्छितः ॥ ३६ क्षणं संज्ञामवाप्याथ रणभूमावमापतिः । शशाप शुम्भप्रमुखान्गौरी युष्मान्हनिष्यति ॥ ३७
नारद उवाचअथ शुम्भादयो दैत्या रणे देव्या निपातिताः। महेश्वरस्य शापेन गते मन्वन्तरे नृप ॥ ३८ शपित्वा तान्झरोदाथ जल्पनिर्गत्य शंकरः । क गताऽसि प्रिये त्यक्त्वा दुःखितं मां रणाङ्गणे ॥
र
१. दादित्रान'।
| SR No. | 010655 |
| Book Title | Padmapurana Part 04 |
| Original Sutra Author | N/A |
| Author | Mahadev Chimnaji Apte |
| Publisher | Anand Ashram |
| Publication Year | 1894 |
| Total Pages | 697 |
| Language | Hindi, Sanskrit |
| Classification | Book_Devnagari |
| File Size | 42 MB |