Page Text
________________
२०२ यधिकद्विशततमोऽध्यायः] पद्मपुराणम् ।
१६४१ रूपं मम समालोक्य श्रुत्वा गीतध्वनि तथा । स्मरवेगं सहन्ते न राजस्तव पुरस्त्रियः॥ १९ किं करोमि महाराज कोऽपराधोऽस्ति मे विभो । पुराकृतमिवोल्लङ्ग्यं शासनं न महीपतेः २०
नारद उवाचऔशीनर शिवे राजन्नेवं कथयति द्विजे । सर्वे पौराः समेत्याथ प्रावदनिति भूपतिम् ॥ २१
पौरा ऊचु:राजन्ननेन विप्रेण मोहिताः पौरयोषितः । गृहेषु न हि तिष्ठन्ति ह्यस्माभिरतिवारिताः ॥ २२ यद्ययं मोहनः स्त्रीणां नगरे वत्स्यति प्रभो । तदा देशान्तराण्येव यास्यामो वयमद्य वै ॥ २३ गतोऽस्माकं वृषो देवो हव्यकव्यक्रियात्मकः । तमनुपस्थितान्क्षेत्राद्गौरियं पापिनामिव ॥ २४ विना तं शरणं यातं त्यक्तं श्रीभिर्नरेश्वर । अथैनमनुयास्यन्ति वासिता*भीष्टपं पथा ॥ २५ शून्यालये कथं लक्ष्मीर्यत्नतोऽप्यवतिष्ठते । [+धर्मोऽर्थश्च गृहं चैतत्रयं स्त्रीवशगं यतः ॥ कान्ता धर्मधनाधीना तयोर्नाशे न तिष्ठति ॥
__ नारद उवाचएवं वदत्सु पौरेषु स्त्रियस्तेषां समागताः । राजान्तिकं समाविष्टा इत्यूचुस्ताः परस्परम् ।। २७
पौरस्त्रिय ऊचुः-- कामं वामाकृतिं विप्रमेनं प्राप्य मनांसि नः । उल्लसन्ति दिवाधीशं कमलानीव वारिणि ॥ २८ संकुचन्ति विना तेन कुमुदानि यथेन्दुना । आगच्छत मिलित्वैनं धारयामो नृपाग्रतः ।। अवध्योऽयं वयं चास्य किं करिष्यति भूपतिः ॥
नारद उवाचइत्युक्त्वा तास्त्वरावत्यो जगृहुस्तं द्विजोत्तमम् । पश्यतां निजभर्तृणां राज्ञश्चैव पुरस्तदा ॥ ३० ऊचुश्चैनं मनोनाथ गृहानागच्छ हृच्छयम् । शमयाऽऽशु विनाऽद्य त्वां स्थातुं नैव च शक्नुमः ।।
नारद उवाचइत्याकर्ण्य वचस्तस्य (स्तासां) स विमः प्रत्युवाच ह ।।
विम उवाचभवतीनामहं पुत्रो भवत्यो मातरो मम । गृहाकिमर्थमुत्सृज्य भवत्यः पर्यटन्ति हि ॥ ३३ आराधयत नाथान्स्वान्यतो लोकद्वयं ध्रुवम् । आराधितेषु पतिषु विष्णुः सर्वसुरेश्वरः ॥ ३४ प्रसन्नो भवति त्वत्र प्रसन्ने किमु दुर्लभम् । या स्त्री स्वपतिमुत्सृज्य सेवतेऽन्यं सुखेच्छया ॥ ३५ साऽपवादमवाप्नोति याति घोरां च दुर्गतिम् । उषित्वा तत्र कल्पान्ते यावत्सा पतिवञ्चना ३६ पुनस्तस्माद्विनिर्गत्य स्थावरत्वं प्रपद्यते । तस्मादपि पशुत्वं सा लभते बहुजन्मसु ।। ३७ ततो मुक्त्वा मनुष्यत्वे व्यङ्गा भवति तत्र सा । एवं पापगतिं ज्ञात्वा निवर्तध्वं मनोजवात् ।।३८
३२
* संधिरार्षः । + धनुचिहान्तर्गतः पाठः क्वचिनास्ति ।
१ क. रपि वा । २ इ. नाक्षेत्रा । ३ इ. व कधी । ८ ६. 'टयं यथा । , ख. कथ । २०६
| SR No. | 010655 |
| Book Title | Padmapurana Part 04 |
| Original Sutra Author | N/A |
| Author | Mahadev Chimnaji Apte |
| Publisher | Anand Ashram |
| Publication Year | 1894 |
| Total Pages | 697 |
| Language | Hindi, Sanskrit |
| Classification | Book_Devnagari |
| File Size | 42 MB |