________________
१६८] वांकीदासरी ख्यात
[ १९९९-२०१४ १९९९ विलदा अगरेजियारी कोठी वची औ सभ ऊभा रह्या । २००० गाव वुदडादे सौ वाळियो पातसाही थाणादार हुतो जिण कोट पकड़ियो
सो पातसाहजी दूर कियो पातसाहजी फुरमाया- च्यार लाख रुपया लगाय
सूरत दोळो कोट करावगो अक वरसरी जगात वोपारियानू माफ किवी । २००१ बालाजी पडितरो बेटो पेसवो वाजेराव पिंगळिया जातरो मरहटो छत्रपतीरै
पेसवो हो वाजेराव पहला। २००२. कोकणरै नै गुजरातरै विच डाभाडारो अमल हुतो। २००३ त्रबकजी डाभाडानू वाजेराव पेसवो मारियो । २००४ त्रवकजी डाभाडानू वाजेराव पेसवो मारियो हैदरावादरो नवाब आपरै
माथासू पाग उतार दिवी कह्यो – हमारा दस्तार भाई बकरावकू मारा जिणकू मार मै पाग बाधूगा पछै वाजेराव नबावसू मिलियो है. नवावनू राजी कियो जद नवाब कह्यो - माग, तूठो. इण कह्यो - पाग बाध लीजे
नवाव पाग बाध लिवी। २००५ साहू राजारो नव बाजेराव सवा लाख रावत ले वगालै गयो. सरजंगनूं
भजायो, पछै लखणेऊरो नवाव मनसूरअली वसीण कनै अढार लाख रुपया
पेसकसीरा लिया। २००६ पूनै दिखसु आनि वाजेरावर तीन बेटा हुवा – नानो १, भाऊ २,
रुघनाथ राव ३। २००७ नानारो वेटो वडो विसवासराव काका भाऊ साथै गिलजारी राड़में
काम आयो। २००८ सवत १७७२ छठ बुधवार दिखणी भाऊ माराणो अहमदसाह दोजथी
जीतो। २००९ अजमेररो सूवैदार सताजी वावळियो दिखणी भाऊरा जगसू कंगालरै भेख
किसनगढ छतरीमे आय बैठो हो. माळी कनासू मूळा मांग खाधा। २०१० पेसवा नानारी गादी नानारो छोटो वेटो माधोराव बैठो। २०११ पेसवा माधोरावरी गादी माधोरावरो बेटो नारायणराव बैटो। २०१२ पेसवा नारायणरावरी गादी नारायणरावरो गरभावास छोटो माधोराव बैठो। २०१३ नानो फडनवीस रात -दिनमे दोय घडीरी नीद लेतो। २०१४ दोनू पेसवाका उमराव अम्रतरावजी कासी रहै, वाजेरावजी विठूर रहै ।
