________________
६२४]
बांकीदासरी ख्यात
[१४११-१४२८ १४११. कछवाहा राजा प्रिथीराजरो भीव, भीवरो राजा आसकरण । १४१२. प्रिथीराजरो राजा भारमल संवत् १६३० सीकर मुवो, सती हुई। १४१३ राजा भारमलरा बेटा- भगवतदास १, भगवानदास २, राजा जगनाथ ३,
सिलहदी ४, सुदरदास ५, सादूळ ६ । १४१४ राजा भारमलरा बेटा - छत्रसिंघ १, हिंदूसिंघ २ । १४१५ सूरसिंघ १, माधोसिंघ २, प्रतापसिंघ ३, राजा मान ४, औ राजा भगवंत
सिंघरा वेटा। १४१६ भारमलरो राजा भगवतदास भगवतदासरो गजा मान राजा मानरै बेटा
जगतसिघ १, भावसिंघ २, सगतसिघ ३, दुरजणसिंघ ४, सवळसिंह ५,
कल्याणसिंघ ६, हिम्मतसिंघ ७, स्यामसिघ ८ ।। १४१७ मानसिंघ भगवतसिंघोत परमार पचायण करमचंदरो दोहितो। १४१८ कछवाहो राजा मान राव मालदेजीरो रायमल जिणरी वेटी सतभामावाई
परणियो । १४१९. महाराजा रायसिंघजीरी वेटी अहजनकवर जैपुररो राजा मानसिंघ जिण
परणायी । १४२० कछवाह राजा मान वाधूगढरा राजा रामसिंघ कनासू पेसकसी लीवी नहीं। १४२१ अटकरो किलो कछवाहै राजा मान करायो अकवररै नवाव । १४२२. कंवर जगतसिंघ मानसिंघोत कछवाहै खुरासाणियारै तरवारा लोहरी मूठ
दूर करायी, काठरी मूठ दिरायी। १४२३ मान राजा कछवाहो जिणरो वेटो जगतसिंहजी जैतारणरो धणी रतनसिंघ
खीवा ऊदावतरो दोहितो कुवर पदै देवलोक हुवो। १४२४ मानसिंघ भगवतसिंघोत महासिघ जग (त) सिंघोत । १४२५ सवत १६७३ महासिंघजी देवलोक हुवा जद घोसारो टीको जैसिंघजी
पायो, छव वरसरै चोसो पायो । १४२६. संवत १६७८ भावसिंघ मानसिंघोत राम कह्यो जद इग्यारै वरसरै बडै
जैसिंघ आंबेर पायो । १४२७. सवत १६७८ राजा भावसिंघ राम कह्यो जद आंवेर जैसिंघ पायो। १४२८. राजा जैसिंघ महासिंघोत सवत १६६८ जनमियो आसाढ वद १ वार सुक्र
सवत १६७३ राजा महासिंघ राम कह्यो जद घोसारो टीको राजा जैसिंघ पायो, आंवेर राजा भावसिंघ मानसिंघोतरै हुवो ।
