________________
१००
वांकीदासरी त्यात
[ १११७-१२२६ दिया, कुवर करण अजमेर पातसाहरा पगां लागो, राणो अमरसिंघ गोगूदै
साहजादा खुरमसू मिलियो जद चाकरी वदळ · ·। १११८ दसरावारा दिनामे कोठारियारो राव, सादडीरो राजा, वेदलेरो राव,
सलूबररो रावत मै च्यार सिरदार ज्यारै डेरै श्रीटीवाण पधार । १११९ उदैपुर चाकरारी लुगायां राणियारै पगा लागै नही, ओढणारो पल्लो हाथमें
लेनै तीन वार हाथ जमी लगाय सलाम करै । ११२० उदपुर राणाजी ही चाकरानू विदा करै जद बीडा दै राणियां रणवासां
चाकरारी त्रियानू वीडा दे। ११२१. राणाजी देवलोक हुवै जद पाटवी कुवर पछेवडा ओढ लै राणाजीनूं दाग
दे पाछा आवै तरै उमराव दरवारमे जद कोठारियरो राव कुंवर माथासू
पछेवडो दूर करै। ११२२. उदैपुर नगर सोमवार चहुवाणारी चोकी वेदळारो राव नांव नै पारसोली
कोठारियारो राव चौकी आवै मगल राणावत चोकी आवै वुधरै दिन प्रधान कानोड़रो रावत वीजोळियांरो राव और अरग जो चोकी आवै. गुरुवाररै झाला चोकी आवै सादडीरो राजा जीम डेरै जावै देलवाडो गोगुंदो चौकी रहै शुक्ररै दिन राठोड चोकी आवै शनीचररै दिन सगता
चौकी आवै। ११२३ उदैपुर उमराव राणेजीरै चोकी आवै जिणरी विगत - रवी चूडावतारी
चोकी, सलूवररो धणी पातिय जीम डेरै जावै. बेगम, आवेट, देवगढ
चोकी रहै। ११२४. उदैपुर सोळे उमरावान सात सीकरो वीडो दिरीजै देसनिकाळो दै जिणनू
तीन सीकरो वीडो दै। ११२५. उदैपुर आवदारखानो पाणैडो कहावै कपड़ारो कोठार निकारी ओडी कहावै.
दवाखाना ओखधरी ओरी कहावै तवोळ खानारी ओरी वीडा वर्ण सिंघळखानारी ओरी ससतर रहै।
मेवाड़रा सरदार
बनेड़ो ११२६ वणहडारी राजारी पीढी लिखते - राणो राजसिंह १, भीमसिंघ २,
सूरजमल ३, सुरताणसिंघ ४, सिरदारसिंघ ५, रामसिंघ ६, हमीरसिंघ ७, भीमसिंघ ८।
