________________
९७
१०८१-१०९५]
गहलोतांरी वातां १०८१ राणा करणरा कवरारी विगत-जगतसिघ महेचा जसवत कलावतरो दोहितो। १०८२. महेची जमना कला मेघराजोतरी राणो करण परणियो जिणरो बेटो राणो
जगतसिघ । १०८३ राणो जगतसिंघ महेचा जसवंत कलावतरो दोहितो।
जगतसिंघ करणसिंघोत १०८४ स० १६९० मे राणो जगतसिंघजी देवळियारो धणी रावत जसवतसिंघ
जिणनू चूक कराय मरायो राठोड रामसिघ करमसिंघोत मुडासै राणारो भाणेज उमराव दूजा ही राणाजीरै साथै हुता रावत जसवतसिंघ राठोड
सुजाणसिंघ भगवानदासोतरै हाथ रह्यो । १०८५ राणो जगतसिघ करणसिघोत सं० १६६४ रा भाद्रवा सुद १२ रो जनम
सवत १७०९ काती बदी ४ वार रवि घडी ५ पाछले दिन थका राम कह्यो। १०८६ राणिया सत कियो ज्यारी विगत - छपनीजी राठोडी १, राणी वालोतणीजी
चहुवाण २, छोटी मेडतणीजी ३, राणी परमारजी ४, राणी ईडरेची
ईडर सत कियो ५, राणी झाली हरदासरी बेटी झालावाडमे सत कियो ६। १०८७ लालजी वागड़िया चहुवाण जसवतरो दोहितो। १०८८ गरीबदास हलवद झाला भोपत जैसावतरो भाणेज । १०८९ रागो जगतसिघ सवत १६६४ रा भाद्रवा सुद २ जनम कवर - राजसिंघ
१, अरसी २। १०९० राणा जगतसिघरा कवरारी विगत -- राजसिघ अमरसिंघोत मेड़तिया राजमिह विसनदासोतरो दोहितो।
राजसिंघ जगतसिंघोत १०९१ राणो राजसिंघ स० १६८६ रा काती वदी १ जनम । १०९२ सवत १६८६ रा काती वद १ राणा राजसिंघ जगतसिंघोतरो जनम सवत
१७०९ रा माहमें टीकै बैठा । १०९३ मानजी जती राजविळास नाव रूपक राजसिंघरो वणायो। १७९४ सवत १७३२ रा माह सुद १५ राणै राजसिंघ राजसागररी प्रतिष्ठा किवी। १०९५ अंक हजार गाय, छियासी हजार रुपया, च्यार गाव सासण ब्राह्मणानू
कृष्णार्पण दिया प्रतिष्ठारै दिन ।
