________________
वांकीदासरी ख्यात
[९८८-२००३ रायमल कुमावत ९८८ राणो रायमल कुंभावत अजमेर गौड मोटमराव नरसिंहोतरो दोहितो। ९८९. राणो रायमल अजमेररो धणी गौड मोटमराव नरसीहोत जिणरो दोहितो। ९९० ऊदो कुंभारो बूदीरो हाडो राव वैरो वरसिंहोत जिणरो दोहितो। ९९१. ऊदो कुंभारो बूदीरा राव वैरा नरसिंहोतरो दोहितो। ९९२ राणा रायमलर बेटा-प्रथीराज १, सांगो २, जैमळ ३, किसनो ४ । ९९३ राणो सांगो, प्रथीराज, जैमल तीन हळवदरा झाळा जोधा वाघौतरा
दोहिता। ९९४. राणा रायमलरो वेटो प्रथीराज उडणो कहाणो इणरी खवासरै बेटे वणवीर
चित्तोड राज कियो. उण कनैसू चित्तोड़ उदसिंघजी लियो। ९९५ जैमल रायमलोतनू मार सांगा रायमलोत उवार वीदो जैतमालोत सेवंत्री
काम आयो। ९९६ प्रथीराज, जैमळ, सांगो से तीन राणा रायमलरा कंवर नै साळो काम आया.
पर्छ काठलैरो प्रगनो दवायो काकै सूरजमल खेमावत उगमसी भाटी राणी रूपादेरो गुर।
सांगो रायमलोत ९९७. राणो सागो हळवदरो धणी झालो राणो जोधो वाघौत जिणरो दोहितो। ९९८. स० १५६६ रा जेठ सुद ५ वुध राणो सांगो पाट वैठो। ९९९. सलूवररो धणी रतनसी, सादड़ीरो राणो अजोजी, डूगरपुररो रावळ उदै
करणजी, मेड़तिया रतनसीजी, रायमलजी दूदावत इत्यादिक सीकरी काम
आया । १०००. रागो सागो दस करोड़ी वाजतो लाख घोडो चाकरीमे रहतो। १००१ स० १५३८ रा वैसाख वद ८ जनम राणा सांगारो. सं० १५८८ भाद्रवा
सुद ११ जनम राणा उदैसिंघरो. सं० १६२८ राम कह्यो । १००२ राणा सांगानू कुवर वाघा सूजावतरी बेटी तीन परणायी. धनबाईरो बेटो
रतनसिंघ सं० १५३८ रा वैसाख वद ८ रो जनम सागारो सांगारी
गादी वैठो। १००३. वाघ सूजावतरी वेटी धनवाई चित्तोड़ राणा सांगानू परणायी. वाईरै बेटो
हुवो रतनसी सं० १५३८ रा वैसाख वद ८ जनम सांगारो।
