________________
उ० ५ ब० निग्गथीएगाणिय०नि०] सुत्तागमे
अत्थमिए वा, से जं च मुहे जं च पाणिंसि जं च पडिग्गहे तं विगिञ्चमाणे विसोहेमाणे नाइक्कमइ; तं अप्पणा भुञ्जमाणे अन्नेसि वा अणुप्पदेमाणे आवजइ चाउम्मासियं परिहारट्ठाणं अणुग्घाइयं ॥ १४७ ॥ भिक्खू य उग्गयवित्तीए अणत्थमियसंकप्पे असंथडिए विइगिच्छासमावन्ने असणं वा ४ पडिग्गाहेत्ता आहारमाहारेमाणे अह पच्छा जाणेजा-अणुग्गए सूरिए अत्थमिए वा, से जं च मुहे जं च पाणिंसि जं च पडिग्गहे तं विगिञ्चमाणे विसोहेमाणे नाइकमइ; तं अप्पणा भुजमाणे अन्नेसिं वा अणुप्पदेमाणे आवज्जइ चाउम्मासियं परिहारट्ठाणं अणुग्घाइयं ॥ १४८ ॥ इह खल्लु निग्गन्थस्स वा निग्गन्थीए वा राओ वा वियाले वा सपाणे सभोयणे उग्गाले आगच्छेजा, तं विगिश्चमाणे विसोहेमाणे नाइकमइ; तं उग्गिलित्ता पच्चोगिलमाणे राइभोयणपडिसेवणपत्ते आवजइ चाउम्मासियं परिहारट्ठाणं अणुरघाइयं ॥ १४९ ॥ निग्गन्थस्स य गाहावइकुलं पिण्डवायपडियाए अणुप्पविट्ठस्स अन्तो (०) पडिग्गहंसि पा(णाणि)णे वा बी(याणि)ए वा रए वा परियावजेजा, तं च संचाएइ विगिञ्चित्तए वा विसोहेत्तए वा, (तं पुव्वामेव आलो० विसोहि-य-या-तं) तओ संजयामेव भुजेज वा पिएज वा; तं च नो संचाएइ विगिञ्चित्तए वा विसोहेत्तए वा, तं नो अप्पणा भुजेजा (तं) नो अन्नेसिं अणुप्पदेजा; एगन्ते बहुफासुए थण्डिले पडिलेहित्ता पमज्जित्ता परिठ्ठवेयव्वे सिया ॥ १५० ॥ निग्गन्थस्स य गाहावइकुलं पिण्डवायपडियाए अणुप्पविट्ठस्स अन्तो पडिग्ग(हगं)हंसि दए वा दगरए वा दगफुसिए वा परियावजेजा, से य उसि(णे)णभोयणजाए, परिभोत्तव्ये सिया; से य (नो उसिणे) सीयभोयणजाए, तं नो अप्पणा भुजेज्जा नो अन्नेसिं अणुप्पदेजा; एगन्ते बहुफासुए थण्डिले पडिलेहित्ता पमजित्ता परिडवेयव्वे सिया ॥ १५१ ॥ निग्गन्थीए य राओ वा वियाले वा उच्चारं वा पासवणं वा विगिञ्चमाणीए वा विसोहेमाणीए वा अन्नयरे पसुजाईए वा पक्खिजाईए वा अन्नयरइन्दियजाए तं परामुसेजा, तं च निग्गन्थी साइजेजा, हत्थकम्मपडिसेवणपत्ता आवज्जइ चाउम्मासियं परिहारट्ठाणं अणुरघाइयं ॥ १५२ ॥ निग्गन्थीए य राओ वा वियाले वा उच्चारं वा पासवणं वा विगिश्चमाणीए वा विसोहेमाणीए वा अन्नयरे पसुजाईए वा पक्खिजाईए वा अन्नयरंसि सोयंसि ओगाहेजा, तं च निग्गन्थी साइज(जइ)जेज्जा, मेहुणपडिसेवणपत्ता आवजइ चाउम्मासियं परिहारहाणं अणुग्घाइयं ॥ १५३ ॥ नो कप्पइ निग्गन्थीए एगाणियाए होत्तए ॥ १५४ ॥ नो कप्पइ निग्गन्थीए एगाणियाए गाहावइकुलं भत्ताए वा पाणाए वा निक्खमित्तए वा पविसित्तए वा ॥ १५५ ॥ नो कप्पइ निग्गन्थीए एगाणियाए बहिया वियारभूमिं वा विहारभूमि वा निक्खमित्तए वा पविसित्तए वा ॥ १५६ ॥
