________________
उ० ४ आ० गिलाय.] सुत्तागमे
८०९ अप्पतइयस्स वासावासं वत्थए ॥ १०७ ॥ कप्पइ गणावच्छेइयस्स अप्पचउत्थस्स वासावासं वत्थए ॥ १०८ ॥ से गामंसि वा नगरंसि वा निगमंसि वा रायहाणीए वा खेडंसि वा कब्बडंसि वा मडंबंसि वा पट्टणंसि वा दोणमुहंसि वा आसमंसि वा संवाहंसि वा संनिवेसंसि वा बहूणं आयरियउवज्झायाणं अप्पबिइयाणं बहूणं गणावच्छेइयाणं अप्पतइयाणं कप्पइ हेमंतगिम्हासु चरिए अण्णमण्णं निस्साए ॥ १०९ ॥ से गामंसि वा नगरंसि वा निगमंसि वा रायहाणीए वा खेडंसि वा कब्बडंसि वा मडंबंसि वा पट्टणंसि वा दोणमुहंसि वा आसमंसि वा संवाहंसि वा संणिवेसंसि वा बहूणं आयरियउवज्झायाणं अप्पतइयाणं बहूणं गणावच्छेइयाणं अप्पचउत्थाणं कप्पइ वासावासं वत्थए अण्णमण्णं निस्साए ॥ ११० ॥ गामाणुगामं दूइजमा(णे )णो भिक्खू य जं पुरओ कटु विह (रेजा से य)रइ आहच्च वीसंभेजा, अत्थि याइं थ अण्णे केइ उवसंपजणारिहे कप्पइ से( 0 ) उपसंपज्जि(त्ताणं विहरित्तए )यव्वे, नत्थि याइं थ अण्णे केइ उवसंपजणारिहे, तस्स अप्पणो कप्पाए असमत्ते कप्पइ से एगराइयाए पडिमाए जणं जण्णं दि(सिं)सं अण्णे साहम्मिया विहरंति तणं तण्णं दिसं उवलित्तए, नो से कप्पइ तत्थ विहारवत्तियं वत्थए, कप्पइ से तत्थ कारणवत्तियं वत्थए, तंसि च णं कारणंसि निट्ठियंसि परो वएजावसाहि अजो ! एगरायं वा दुरायं वा, एवं से कप्पइ एगरायं वा दुरायं वा वत्थए, नो से कप्पइ परं एगरायाओ वा दुरायाओ वा वत्थए, जं तत्थ परं एगरायाओ वा दुरायाओ वा वसइ, से संतरा छेए वा परिहारे वा ॥ १११॥ वासावासं पजोसवि(ए)ओ भिक्खू य जं पुरओ कट्ठ विहरइ आहच वीसंभेजा, अत्थि याइं थ अण्णे केइ उवसंपज्जणारिहे से उवसंपजियव्वे, नत्थि याइं थ अण्णे केइ उवसंपजणारिहे, तस्स अप्पणो कप्पाए असमत्ते कप्पइ से एगराइयाए पडिमाए जण्णं जण्णं दिसं अण्णे साहम्मिया विहरंति तण्णं तण्णं दिसं उवलित्तए, नो से कप्पइ तत्थ विहारवत्तियं वत्थए, कप्पइ से तत्थ कारणवत्तियं वत्थए, तंसि च णं कारणंसि निट्ठियंसि परो वएजा-वसाहि अजो ! एगरायं वा दुरायं वा, एवं से कप्पइ एगरायं वा दुरायं वा वत्थए, नो से कप्पइ परं एगरायाओ वा दुरायाओ वा वत्थए, जं तत्थ परं एगरायाओ वा दुरायाओ वा वसइ, से संतरा छेए वा परिहारे वा ॥ ११२॥ आयरियउवज्झाए गिलायमाणे अण्णयरं वएजा-अजो ! ममंसि णं कालगयंसि समाणंसि अयं समुक्कसियव्वे, से य समुक्कसणारिहे समुक्कसियव्वे से य नो समुक्कसणारिहे नो समुक्कसियव्वे, अत्थि याइं थ अण्णे केइ समुक्कसणारिहे से समुक्कसियव्वे, नत्थि याइं. थ अण्णे केइ समुक्कसणारिहे से चेव समुक्कसियव्वे, तंसि च णं समुकिटंसि परो
