________________
उ०३ पंचवासपरिया०]
सुत्तागमे
८०५
अपरिहारिएणं परिहारियस्स पडिग्गहंसि असणं वा पाणं वा खाइमं वा साइमं वा भोत्तए वा पायए वा, कप्पइ से सयंसि वा पडिग्गहंसि पाणिसि वा उखुटु उद्धृढ भोत्तए वा पायए वा, एस कप्पो अपरिहारियस्स परिहारियाओ ॥ ६९ ॥ परिहारकप्पट्ठिए भिक्खू थेराणं पडिग्गहएणं बहिया थेराणं वेयावडियाए गच्छेजा, थेरा य णं वएजा-पडिग्गाहे अज्जो ! तुमं पि पच्छा भोक्खसि वा पाहिसि वा, एवं से कप्पइ पडिग्गाहित्तए, तत्थ नो कप्पइ परिहारिएणं अपरिहारियस्स पडिग्गहंसि असणं वा पाणं वा खाइमं वा साइमं वा भोत्तए वा पायए वा, कप्पइ से सयंसि वा पडिग्गहंसि पाणिसि वा उद्घङ उद्घनु भोत्तए वा पायए वा, एस[लेस] कप्पो परिहारियस्स अपरिहारियाओ ॥ ७० ॥ त्ति-बेमि ॥ ववहारस्स बिइओ उद्देसओ समत्तो ॥२॥
ववहारस्स तइओ उद्देसओ भिक्खू य इच्छेजा गणं धारेत्तए, भगवं च से अपलिच्छन्नेि)ए, एवं नो से कप्पइ गणं धारेत्तए, भगवं च से पलिच्छन्ने, एवं से कप्पइ गणं धारेत्तए ॥ ७१ ॥ भिक्खू य इच्छेज्जा गणं धारेत्तए, नो से कप्पइ थेरे अणापुच्छित्ता गणं धारेत्तए, कप्पइ से थेरे आपुच्छित्ता गणं धारेत्तए, थेरा य से वियरेज्जा, एवं से कप्पइ गणं धारेत्तए, थेरा य से नो वियरेजा, एवं से नो कप्पइ गणं धारेत्तए, जणं थेरेहिं अविइण्णं गणं धारेजा, से संतरा छेओ वा परिहारो वा (.."साहम्मिया उठाए विहरंति नत्थि णं तेसिं केइ छए वा परिहारे वा) ॥ ७२ ॥ तिवासपरियाए समणे णिग्गंथे आयारकुसले संजमकुसले पवयणकुसले पण्णत्तिकुसले संगहकुसले उवग्गहकुसले अक्खयायारे अभिन्नायारे असबलायारे असंकिलिट्ठायारचि(चरि)त्ते बहुस्सुए बब्भागमे जहण्णेणं आयारपकप्पधरे कप्पइ उवज्झायत्ताए उद्दिसित्तए ॥ ७३ ॥ सच्चेव णं से तिवासपरियाए समणे णिग्गंथे नो आयारकुसले नो संजमकुसले नो पवयणकुसले नो पण्णत्तिकुसले नो संगहकुसले नो उवग्गहकुसले खयायारे भिन्नायारे सबलायारे संकिलिट्ठायारचित्ते अप्पसुए अप्पागमे नो कप्पइ उवज्झायत्ताए उद्दिसित्तए ॥ ७४ ॥ पंचवासपरियाए समणे णिग्गंथे आयारकुसले संजमकुसले पवयणकुसले पण्णत्तिकुसले संगहकुसले उवग्गहकुसले अक्खयायारे अभिन्नायारे असबलायारे असंकिलिट्ठायारचित्ते बहुस्सुए बब्भागमे जहण्णेणं द[स]साकप्पववहारधरे कप्पइ आयरियउवज्झायत्ताए उद्दिसित्तए ॥ ७५॥ सच्चेव णं से पंचवासपरियाए समणे णिग्गंथे नोआयारकुसले नो संजमकुसले नो पवयणकुसले नो पण्णत्तिकुसले नो संगहकुसले नो उवग्गहकुसले खयायारे भिन्नायारे सबलायारे संकिलिट्ठायारचित्ते अप्पसुए अप्पागमे नो कप्पइ
