________________
सुत्तागमे
उ० १ आलोयणाइविही]
८०१ पडिक्कमेजा पुणो छेयपरिहारस्स उवट्ठाएजा ॥ २६ ॥ एवं आयरियउवज्झाए य गणाओ अवक्कम्म एगल्लविहारपडिमं उवसंपज्जित्ताणं विहरेज्जा, से य इच्छेजा दोच्चं पि तमेव गणं उवसंपजित्ताणं विहरित्तए, पुणो आलोएज्जा पुणो पडिक्कमेजा पुणो छेयपरिहारस्स उवट्ठाएज्जा ॥ २७ ॥ भिक्खू य गणाओ अवकम्म पासत्थविहारं उवसंपजित्ताणं विहरेजा, से य इच्छेजा दोच्च पि तमेव गणं उवसंपज्जित्ताणं विहरित्तए, अत्थि याइं थ सेसे, पुणो आलोएजा पुणो पडिक्कमेजा पुणो छेयपरिहारस्स उवट्ठाएजा ॥ २८ ॥ भिक्खू य गणाओ अवकम्म अहाछंदविहारं उवसंपज्जित्ताणं विहरेजा, से य इच्छेज्जा दोच्चं पि तमेव गणं उवसंपज्जित्ताणं विहरित्तए, अत्थि याई थ सेसे, पुणो आलोएजा पुणो पडिक्कमेजा पुणो छेयपरिहारस्स उवट्ठाएजा ॥ २९ ॥ भिक्खू य गणाओ अवकम्म कुसीलविहारं उवसंपजित्ताणं विहरेजा, से य इच्छेज्जा दोचं पि तमेव गणं उवसंपजित्ताणं विहरित्तए, अस्थि याइं थ सेसे, पुणो आलोएजा पुणो पडिक्कमेजा पुणो छेयपरिहारस्स उवट्ठाएना ॥ ३० ॥ भिक्खू य गणाओ अवकम्म ओसण्णविहारं उवसंपजित्ताणं विहरेजा, से य इच्छेजा दोच्चं पि तमेव गणं उवसंपजित्ताणं विहरित्तए, अत्थि याइं थ सेसे, पुणो आलोएज्जा पुणो पडिकमेजा पुणो छेयपरिहारस्स उवट्ठाएजा ॥ ३१ ॥ भिक्खू य गणाओ अवकम्म संसत्तविहारं उवसंपज्जित्ताणं विहरेज्जा, से य इच्छेजा दोच्चं पि तमेव गणं उवसंपज्जित्ताणं विहरित्तए, अत्थि याई थ सेसे, पुणो आलोएजा पुणो पडिक्कमेज्जा पुणो छेयपरिहारस्स उवट्ठाएज्जा ॥ ३२-१ ॥ भिक्खू य गणाओ अकम्म परपासंडं उवसंपजित्ताणं विहरेजा, से य इच्छेजा दोच्चं पि तमेव गणं उवसंपजित्ताणं विहरित्तए, नत्थि णं तस्स तप्पत्तियं केइ छेए वा परिहारे वा णण्णत्थ एगाए आलोयणाएं ॥ ३२-२ ॥ भिक्खू य गणाओ अवक्कम्म ओहावेजा, से य इच्छेजा दोच्चं पि तमेव गणं उवसंपजित्ताणं विहरित्तए, नत्थि णं तस्स केइ छए वा परिहारे वा णण्णत्थ एगाए सेहोवट्ठावणियाए ॥ ३३ ॥ भिक्खू य अण्णयरं अकिच्चट्ठाणं (पडि)सेवित्ता इच्छेज्जा आलोएत्तए, जत्थेव अप्पणो आयरियउवज्झाए पासेजा, तेसंतियं आलोएजा पडिक्कमेज्जा निंदेजा गरहेजा विउद्देजा विसोहेजा अकरणयाए अब्भुटेजा अहारिहं तवोकम्मं पायच्छित्तं पडिवजेजा ॥ ३४ ॥ नो चेव अप्पणो आयरियउवज्झाए पासेजा, जत्थेव संभोइयं साहम्मियं पासेजा बहुस्सुयं
१ फुडीकरणमेयस्स विवाहपण्णत्तिपणवीसइमसयणियंठवत्तव्वया-ठाणचउभंगीओ तह इमस्स चेव ववहारस्स दसमुद्देसाओ णायव्वं । २ पाढंतरं-कप्पइ से तस्संतियं आलोइत्तए वा पडिक्कमित्तए वा जाव पडिवज्जित्तए ।
५१ सुत्ता
