________________
सुत्तागमे
[पुफियाओ निग्गन्थं पावयणं जाव अब्भुटेमि णं अजाओ! निग्गन्थं पावयणं, एवमेयं अजाओ! जाव से जहेयं तुब्भे वयह, जं नवरं अजाओ ! रट्ठकूडं आपुच्छामि, तए णं अहं देवाणुप्पियाणं अन्तिए मुण्डा जाव पव्वयामि । अहासुहं देवाणुप्पिए ! मा पडि. बन्धं । तए णं सा सोमा माहणी ताओ अजाओ वन्दइ नमसइ वं० २ त्ता पडिविसज्जेइ ॥ १३५ ॥ तए णं सा सोमा माहणी जेणेव रटकूडे तेणेव उवागया करयल० "एवं वयासी-एवं खलु मए देवाणुप्पिया ! अज्जाणं अन्तिए धम्मे निसन्ते, से वि य णं धम्मे इच्छिए जाव अभिरुइए, तए णं अहं देवाणुप्पिया ! तुब्भेहि अब्भणुन्नाया सुव्वयाणं अजाणं जाव पव्वइत्तए ॥ १३६ ॥ तए णं से रट्ठकूडे सोमं माहणिं एवं वयासी-मा णं तुमं देवाणुप्पिए! इयाणि मुण्डा भवित्ता जाव पव्वयाहि, भुञ्जाहि ताव देवाणुप्पिए ! मए सद्धिं विउलाई भोगभोगाइं, तओ पच्छा भुत्तभोई सुव्वयाणं अजाणं अन्तिए मुण्डा जाव पव्वयाहि ॥ १३७ ॥ तए णं सा सोमा माहणी ण्हाया अप्पमहरघाभरणालंकियसरीरा चेडियाचकवालपरिकिण्णा साओ गिहाओ पडिनिक्खमइ २ त्ता विभेलं संनिवेसं मझमज्झेणं जेणेव सुव्वयाणं अजाणं उवस्सए तेणेव उवागच्छइ २ त्ता सुव्वयाओ अजाओ वन्दइ नमसइ पजुवासइ । तए णं ताओ सुव्वयाओ अजाओ सोमाए माहणीए विचित्तं केवलिपन्नत्तं धम्मं परिकहेन्ति जहा जीवा बज्झन्ति । तए णं सा सोमा माहणी सुव्वयाणं. अजाणं अन्तिए जाव दुवालसविहं सावगधम्म पडिवज्जइ २ ता सुव्वयाओ अजाओ वन्दइ नमसइ वं० २ त्ता जामेव दिसिं पाउन्भूया तामेव दिसिं पडिगया। तए पं. सा सोमा माहणी समणोवासिया जाया अभिगय० जाव अप्पाणं भावेमाणी विहरइ। तए णं ताओ सुव्वयाओ अजाओ अन्नया कयाइ विभेलाओ संनिवेसाओ पडिनिक्खमन्ति २ त्ता बहिया जणवयविहारं विहरन्ति ॥ १३८ ॥ तए णं ताओ सुव्बयाओ अज्जाओ अन्नया कयाइ पुव्वाणुपुट्विं जाव विहरन्ति । तए णं सा सोमा माहणी इमीसे कहाए लट्ठा समाणी हट्ट. एहाया तहेव निग्गया जाव वन्दइ नमसइ वं०२ त्ता धम्मं सोचा जाव नवरं रहकूडं आपुच्छामि, तए णं पव्वयामि। अहासुहं । तए णं सा सोमा माहणी सुव्वयं अजं वन्दइ नमसइ वं० २ त्ता सुव्वयाणं अन्तियाओ पडिनिक्खमइ २ त्ता जेणेव सए गिहे जेणेव रट्ठकूडे तेणेव उवागच्छइ २ त्ता करयल० तहेव आपुच्छइ जाव पव्वइत्तए। अहासुहं देवाणुप्पिए ! मा पडिबन्धं । तए णं से रट्ठकूडे विउलं असणं तहेव जाव पुव्वभवे सुभद्दा जाव अजा जाया इरियासमिया जाव गुत्तबम्भयारिणी ॥ १३९ ॥ तए. णं सा सोमा अजा सुव्वयाणं अजाणं अन्तिए सामाइयमाइयाइं एकारस
