________________
सुत्तागमे
[सूरियपण्णत्ती
भणिया भेयग्घाए दुवे य पडिवत्ती । चत्तारि मुहत्तगईए हुति तइयम्मि पडिवत्ती ॥ ११ ॥ ४ ॥ आवलिय १ मुहुत्तग्गे २, एवंभागा य ३ जोगस्सा ४ । कुलाई ५ पुण्णमासी ६ य, सण्णिवाए ७ य संठिई ८ ॥ १२ ॥ तार(य)ग्गं च ९ णेया य १०, चंदमग्गत्ति ११ यावरे। देवयाण य अज्झयणे १२, मुहुत्ताणं णामया इय १३ ॥ १३ ॥ दिवसा राइ वुत्ता य १४, तिहि १५ गोत्ता १६ भोयणाणि १७ य , आइचवार १८ मासा १९ य, पंच संवच्छरा २० इय ॥ १४ ॥ जोइसस्स दाराई २१, णक्खत्तविजए विय २२। दसमे पाहुडे एए बावीसं पाहुडपाहुडा ॥ १५॥५॥ एसो कमविसेसो ताव सूरियपण्णत्तीए अवसेसो अपरिसेसो भावियवो जहा चंदपण्णत्तीए जाव अंतिमा गाहत्ति ॥ सूरियपण्णत्ती समत्ता ॥
