________________
सुत्तागमे
[चंदपण्णत्ती
कलरवेणं अच्छं पव्वयरायं पयाहिणावत्तमंडलचारं मेरुं अणुपरियति, ता तेसिणं देवाणं जाहे इंदे चयइ से कहमियाणिं पकरेंति ? ता चत्तारि पंच सामाणियदेवा तं ठाणं उवसंपज्जित्ताणं विहरंति जाव अण्णे इत्थ इंदे उववण्णे भवइ, ता इंदट्ठाणे णं केवइएणं कालेणं विरहिए पण्णत्ते ? ता जहण्णेणं इक्कं समयं उक्कोसेणं छम्मासे, ता बहिया णं माणुस्सक्खेत्तस्स जे चंदिमसूरियगह जाव तारारूवा ते णं देवा किं उद्दोववण्णगा कप्पोववण्णगा विमाणोववण्णगा चारद्विइया गइरइया गइसमावण्णगा ? ता ते णं देवा णो उड्डोववण्णगा णो कप्पोववण्णगा विमाणोववण्णगा णो चारोववण्णगा चारद्विइया णो गइरइया णो गइसमावण्णगा पक्किगसंठाणसंठिएहिं जोयणसयसाहस्सिएहिं तावक्खेत्तेहिं सयसाहस्सियाहिं बाहिराहिं वेउव्वियाहिं परिसाहिं महया हयणगीयवाइय जाव रवेणं दिव्वाइं भोगभोगाई भुंजमाणा विहरंति, सुहलेसा मंदलेसा मंदायवलेसा चित्तंतरलेसा अण्णोण्णसमोगाढाहिं लेसाहिं कूडा इव ठाणठिया ते पएसे सव्वओ समंता ओभासंति उज्जोवेंति तवेंति पभासेंति, ता तेसि णं देवाणं जाहे इंदे चयइ से कहमियाणि पकरेंति ? ता चत्तारि पंच सामाणियदेवा तं ठाणं तहेव जाव छम्मासे ॥ ९८ ॥ ता पुक्खरवरं णं दीवं पुक्खरोदे णामं समुद्दे वट्टे वलयागारसंठाणसंठिए सव्व जाव चिठ्ठइ, ता पुक्खरोदे णं समुद्दे किं समचक्कवालसंठिए जाव णो विसमचक्कवालसंठिए, ता पुक्खरोदे णं समुद्दे केवइयं चक्कवालविक्खंमेणं केवइयं परिक्खेवेणं आहिएति वएजा ? ता संखेज्जाइं जोयणसहस्साइं आयामविक्खंभेणं संखेज्जाई जोयणसहस्साइं परिक्खेवेणं आहिएति वएज्जा, ता पुक्खरवरोदे णं समुद्दे केवइया चंदा पभासेंसु वा ३ पुच्छा तहेव, ता पुक्खरोदे णं समुद्दे संखेजा चंदा पभासेंसु वा ३ जाव संखेजाओ तारागणकोडिकोडीओ सोभं सोभेसु वा ३ । एएणं अभिलावेणं वरुणवरे दीवे वरुणोदे समुद्दे ४ खीरवरे दीवे खीरवरे समुद्दे ५ घयवरे दीवे घओदे समुद्दे ६ खोयवरे दीवे खोओदे समुद्दे ७ णंदिस्सरे दीवे णंदिस्सरवरे समुद्दे ८ अरुणोदे दीवे अरुणोदे समुद्दे ९ अरुणवरे दीवे अरुणवरे समुद्दे १० अरुणवरोभासे दीवे अरुणवरोभासे समुद्दे ११ कुंडले दीवे कुंडलोदे समुद्दे १२ कुंडलवरे दीवे कुंडलवरोदे समुद्दे १३ कुंडलवरोभासे दीवे कुंडलवरोभासे समुद्दे १४ सव्वेसिं विक्खंभपरिक्खेवो जोइसाई पुक्खरोदसागरसरिसाइं । ता कुंडलवरोभासण्णं समुई रुयए दीवे वट्टे वलयागारसंठाणसंठिए सव्वओ जाव चिठ्ठइ, ता स्यए णं दीवे किं समचक्कवाल जाव णो विसमचक्कवालसंठिए, ता रुयए णं दीवे केवइयं समचक्कवालविक्खंभेणं केवइयं परिक्खेवणं आहिएति वएज्जा ? ता असंखेज्जाइं जोयणसह
