________________
सुत्तागमे
[चंदपण्णत्ती
अउणापण्णे जोयणसए परिक्खेवेणं आहिएति वएजा, ता समयक्खेत्ते णं केवइया चंदा पभासेंसु वा ३ पुच्छा तहेव, ता बत्तीसं चंदसयं पभासेंसु वा ३, बत्तीसं सूरियाण सयं तवइंसु वा ३, तिणि सहस्सा छ्च छण्णउया णक्खत्तसया जोयं जोएंसु. वा ३, एक्कारस सहस्सा छच्च सोलस महग्गहसया चारं चरिंसु वा ३, अट्ठासीई सयसहस्साई चत्तालीसं च सहस्सा सत्त य सया तारागणकोडिकोडीणं सोभं सोभिंसु वा ३, अद्वेव सयसहस्सा अभितरपुक्खरस्स विक्खंभो । पणयालसयसहस्सा माणुसखेत्तस्स विक्खंभो ॥ १॥ कोडी बायालीसं सहस्स दुसया य अउणपण्णासा । माणुसखेत्तपरिरओ एमेव य पुक्खरद्धस्स ॥ २ ॥ बावत्तरिं च चंदा बावत्तरिमेव दिणयरा दित्ता । पुक्खरवरदीवड्ढे चरंति एए पभासेंता ॥३॥ तिण्णि सया छत्तीसा छच्च सहस्सा महग्गहाणं तु । णक्खत्ताणं तु भवे सोलाई दुवे सहस्साई ॥ ४ ॥ अडयालसयसहस्सा बावीसं खलु भवे सहस्साइं । दो य सय पुक्खरद्धे तारागणकोडिकोडीणं ॥ ५ ॥ बत्तीसं चंदसयं बत्तीसं चेव सरियाण सयं । सयलं माणुसलोयं चरंति एए पभासेंता ॥ ६ ॥ एक्कारस य सहस्सा छप्पि य सोला महग्गहाणं तु । छच्च सया छण्णउया णक्खत्ता तिण्णि य सहस्सा ॥ ७ ॥ अट्ठासीइ चत्ताई सयसहस्साई मणुयलोगंमि । सत्त य सया अणूणा तारागणकोडिकोडीणं ॥ ८ ॥ एसो तारापिंडो सव्वसमासेण मणुयलोयंमि । बहिया पुण ताराओ जिणेहिं भणिया असंखेजा ॥ ९ ॥ एवइयं तारग्गं जं भणियं माणुसंमि लोगंमि । चारं कलंबुयापुप्फसंठियं जोइस चरइ ॥ १० ॥ रविससिगहणक्खत्ता. एवइया आहिया मणुयलोए । जेसिं णामागोत्तं ण पागया पण्णवेहिति ॥ ११ ॥ छावहिँ पिडगाई चंदाइचाण मणुयलोयम्मि। दो चंदा दो सूरा य हुंति एक्केकए. पिडए ॥ १२ ॥ छावटि पिडगाइं णक्खत्ताणं तु मणुयलोयम्मि । छप्पण्णं णक्खत्ता हुंति एकेक्कए पिडए ॥ १३ ॥ छावलुि पिडगाइं महग्गहाणं तु मणुयलोयंमि । छावत्तरं गहसयं होइ एकेकए पिडए ॥ १४ ॥ चत्तारि य पंतीओ चंदाइञ्चाण मणुयलोयम्मि । छावलुि २ च होइ एक्किक्किया पंती ॥ १५॥ छप्पण्णं पंतीओ णक्खत्ताणं तु मणुयलोयंमि । छावढेि २ हवंति एक्कक्किया पंती ॥ १६ ॥ छावत्तरं गहाणं पंतिसयं हवइ मणुयलोयंमि । छावढेि २ हवइ य एक्ककिया पंती ॥ १७ ॥ ते मेरुमणुचरंता पयाहिणावत्तमंडला सव्वे । अणवट्ठियजोगेहिं चंदा सूरा गहगणा य ॥ १८ ॥ णक्खत्ततारगाणं अवट्ठिया मंडला मुणेयव्वा। तेवि य पयाहिणावत्तमेव मेलं अणुचरंति ॥ १९ ॥ रयणियरदिणयराणं उर्दू च अहे व संक्रमो णत्थि । मंडलसंकमणं पुण सब्भितरबाहिर तिरिए ॥ २० ॥ रयणियरदिणयराणं.
