________________
सुत्तागमे
[चंदपण्णत्ती
ता कहं ते दोसिणापक्खाओ अंधयारपक्खे अंधयारे बहू आहिएति वएजा ? ता दोसिणापक्खाओ णं अंधयारपक्खं अयमाणे चंदे चत्तारि बायाले मुहुत्तसए बायालीसं च वावट्ठिभागे मुहुत्तस्स जाइं चंदे रज्जइ, तं०-पढमाए पढमं भागं बिइयाए बिइयं भागं जाव पण्णरसीए पण्णरसमं भागं, एवं खलु दोसिणापक्खाओ अंधयारपक्खे अंधयारे बहू आहिएति वएज्जा, ता केवइए णं अंधयारपक्खे अंधयारे बहू आहिएति वएज्जा ? ता परित्ता असंखेजा भागा ॥८०॥ चोदसमं पाहुडं समत्तं ॥१४॥
ता कहं ते सिग्घगई वत्थू आहितेति वएजा ? ता एएसि णं चंदिमसूरियगहगणणक्खत्ततारारूवाणं चंदेहितो सूरा सिग्घगई सूरेहितो गहा सिग्घगई गहेहिंतो णक्खत्ता सिग्धगई णक्खत्तेहिंतो तारा० सिग्घगई, सव्वप्पगई चंदा सव्वसिग्घगई तारा०, ता एगमेगेणं मुहुत्तेणं चंदे केवइयाइं भागसयाइं गच्छइ ? ता जं जं मंडलं उवसंकमित्ता चारं चरइ तस्स २ मंडलपरिक्खेवस्स सत्तरस अडसद्धिं भागसए गच्छइ मंडलं सयसहस्सेणं अट्ठाणउईसएहिं छेत्ता, ता एगमेगेणं मुहुत्तेणं सूरिए केवइयाइं भागसयाइं गच्छइ ? ता जं जं मंडलं उवसंकमित्ता चारं चरइ तस्स २ मंडलपरिक्खेवस्स अट्ठारस तीसे भागसए गच्छइ मंडलं सयसहस्सेणं अट्ठाणउईसएहिं छेत्ता, ता एगमेगेणं मुहुत्तेणं णक्खत्ते केवइयाई भागसयाइं गच्छइ ? ता जं जं मंडलं उवसंकमित्ता चारं चरइ तस्स २ मंडलपरिक्खेवस्स अट्ठारस पणतीसे भागसए गच्छद मंडलं सयसहस्सेणं अट्ठाणउईसएहिं छेत्ता ॥८१॥ ता जया णं चंदं गइसमावण्णं सूरे गइसमावण्णे भवइ से णं गइमायाए केवइयं विसेसेइ ? ता बावट्ठिभागे विसेसेइ, ता जया णं चंदं गइसमावण्णं णक्खत्ते गइसमावण्णे भवइ से णं गइमायाए केवइयं विसेसेइ ? ता सत्तढ़ि भागे विसेसेइ, ता जया णं सूरं गइसमावणं णक्खत्ते गइसमावण्णे भवइ से णं गइमायाए केवइयं विसेसेइ ? ता पंचभागे विसेसेइ, ता जया णं चंदं गइसमावण्णं अभीईणक्खत्ते गइसमावण्णे पुरच्छिमाए भागाए समासादेइ पुरच्छिमाए भागाए समासादित्ता णव मुहुत्ते सत्तावीसं च सत्तद्विभागे मुहुत्तस्स चंदेण सद्धिं जोयं जोएइ जोयं जोएत्ता जोयं अणुपरियट्टइ जोयं अणुपरियट्टित्ता विप्पजहइ २ ता विगयजोई यावि भवइ, ता जया णं चंदं गइसमावण्णं सवणे णक्खत्ते गइसमावण्णे पुरच्छिमाए भागाए समासादेइ पुरच्छिमाए भागाए समासादेत्ता तीसं मुहुत्ते चंदेण सद्धिं जोयं जोएइ २ त्ता जोयं अणुपरियट्टइ जो० २ त्ता विप्पजहइ. विगयजोई यावि भवइ, एवं एएणं अभिलावेणं णेयव्वं, पण्णरसमुहुत्ताइं तीसइमुहुत्ताई पणयालीसमुहुत्ताइं भाणियव्वाइं जाव उत्तरासाढा० । ता जया णं चंदं गइसमावण्णं गहे गइसमावण्णे पुरच्छिमाए भागाए समासादेइ पुर० २ त्ता चंदेणं सद्धिं जोगं
