________________
७३२
सुत्तागमे
[ चंदपण्णत्ती
दाहिणाए भागाए पविसमाणे सत्त अद्धमंडलाई जाई चंदे दाहिणाए भागाए पविसमाणे चारं चरइ, कयराई खलु ताई सत्त अद्धमंडलाई जाई चंदे दाहिणाए भागाए पविसमाणे चारं चरइ ? इमाई खलु ताई सत्त अद्धमंडलाई जाई चंदे दाहिणाए भागाए पविसमाणे चारं चरइ, तंजहा - बिइए अद्धमंडले चउत्थे अद्धमंडले छट्ठे अद्धमंडले अट्ठमे अद्धमंडले दसमे अद्धमंडले बारसमे अद्धमंडले चउदसमे अद्धमंडले, एयाईं खलु ताईं सत्त अद्धमंडलाई जाईं चंदे दाहिणाए भागाए पविसमाणे चारं चरइ, ता पढमायणगए चंदे उत्तराए भागाए पविसमाणे छ अद्धमंडलाई तेरस य सत्तट्टिभागाई अद्धमंडलस्स जाई चंदे उत्तराए भागाए पविसमाणे चारं चरइ, कयराई खलु ताई छ अद्धमंडलाई तेरस य सत्तट्ठिभागाईं अद्धमंडलस्स जाईं चंदे उत्तराए भागाए पविसमाणे चारं चरइ ? इमाई खलु ताई छ अद्धमंडलाई तेरस य सत्तट्ठिभागाई अद्धमंडलस्स जाई चंदे उत्तराए भागाए पविसमा चारं चरइ, तंजहा - तइए अद्धमंडले पंचमे अद्धमंडले सत्तमे अद्धमंडले णवमे अद्धमंडले एक्कारसमे अद्धमंडले तेरसमे अद्धमंडले पण्णरसमस्स अद्धमंडलस्स तेरस सत्त
भागाई, एयाई खलु ताई छ अद्धमंडलाई तेरस य सत्तट्ठिभागाईं अद्धमंडल स जाईं चंदे उत्तराए भागाए पविसमाणे चारं चरइ, एतावता य पढमे चंदाय समत्ते भवइ, ता णक्खत्ते अद्धमासे नो चंदे अद्धमासे नो चंदे अद्धमासे णक्खते अद्धमासे, ता णक्खत्ताओ अद्धमासाओ से चंदे चंदेणं अद्धमासेणं किमहियं चरइ ? ता एवं अद्धमंडलं चरइ चत्तारि य सद्विभागाईं अद्धमंडलस्स सत्तद्विभागं एगतीसाए छेत्ता णव भागाई, ता दोच्चायणगए चंदे पुरच्छिमाए भागाए णिक्खममाणे सच उप्पण्णाई जाई चंदे परस्स चिण्णं पडिचरइ, सत्त तेरसगाईं जाई चंदे अप्पणो चिणं पचिरइ, ता दोच्चायणगए चंदे पच्चत्थिमाए भागाए णिक्खममाणे चउप्पण्णाई जाईं चंदे परस्स चिण्णं पडिचरइ, छ तेरसगाई• चंदे अप्पणी चिण्णं पडिचरइ, अवरगाईं खलु दुवे तेरसगाईं जाईं चंदे केणइ असामण्णगाई सयमेव पविद्वित्ता २ चारं चरइ, कयराई खलु ताईं दुवे तेरसगाई जाई चंदे केणइ असामण्णगाईं सयमेव पविद्वित्ता २ चारं चरइ ? इमाई खलु ताई दुवे तेरसगाई जाई चंदो केणइ असामण्णगाई सयमेव पविद्वित्ता २ चारं चरइ, तं० - सव्वब्यंतरे चैव मंडले सव्वबाहिरे चेव मंडले, एयाई खलु ताई दुवे तेरसगाई जाई चंदे केणइ जाव चारं चरइ, एतावता दोचे चंदायणे समत्ते भवइ, ता णक्खत्ते मासे णो चंदे मासे चंदे मासे णो णक्खत्ते मासे, ता णक्खत्ते मासे चंदेणं मासेणं किं अहियं चरइ ? ता दो अद्धमंडलाई चरइ अट्ठ य सत्तट्ठिभागाईं अद्धमंडलस्स
