________________
सुत्तागमे
[चंदपण्णत्ती
वएज्जा ? ता सत्तरस एकाणउए राइंदियसए एगूणवीसं च मुहुत्तं सत्तावण्णे बावद्विभागे मुहुत्तस्स बावट्ठिभागं च सत्तट्टिहा छेत्ता पणपण्णं चुण्णियामागे राइंदियग्गेणं आहिएति वएजा, ता से णं केवइए मुहुत्तग्गेणं आहिएति वएज्जा ? ता तेपण्णमुहुत्तसहस्साइं सत्त य अउणापण्णे मुहुत्तसए सत्तावण्णं बावट्ठिभागे मुहुत्तस्स बावट्ठिभागं च सत्तट्ठिहा छेत्ता पणपण्णं चुण्णियाभागा मुहुत्तग्गेणं आहिएति वएजा, ता केवइए णं ते जुगप्पत्ते राइंदियग्गेणं आहिएति वएज्जा ? ता अट्ठतीसं राइंदियाइं दस य मुहुत्ता चत्तारि य बावट्ठिभागे मुहुत्तस्स बावट्ठिभागं च सत्तढिहा छेत्ता दुवालस चुण्णियाभागे राइंदियग्गेणं आहिएति वएजा, ता से णं केवइए मुहुत्तग्गेणं आहिएति वएजा? ता एक्कारस पण्णासे मुहुत्तसए चत्तारि य बावट्ठिभागे बावट्ठिभागं च सत्तट्टिहा छेत्ता दुवालस चुण्णियाभागे मुहुत्तग्गेणं आहिएति वएजा, ता केवइयं जुगे राइंदियग्गेणं आहिएति वएजा? ता अट्ठारसतीसे राइंदियसए राइंदियग्गेणं आहिएति वएजा, ता से णं केवइए मुहुत्तग्गेणं आहिएति वएजा ? ता चउप्पण्णं मुहुत्तसहस्साई णव य मुहत्तसयाइं मुहुत्तग्गेणं आहिएति वएजा, ता से णं केवइए बावट्ठिभागमुहुत्तग्गेणं आहिएति वएज्जा ? ता चउत्तीसं सयसहस्साइं अट्ठतीसं च बावट्ठिभागमुहुत्तसए बावट्ठिभागमुहुत्तग्गेणं आहिएति वएजा ॥ ७१ ॥ ता कया णं एए आइच्चचंदसंवच्छरा समाइया समपजवसिया आहितेति वएजा ? ता सहिँ एए आइञ्चमासा वावडिं एए चंदमासा, एस णं अद्धा छक्खुत्तकडा दुवालसभइया तीसं एए आइच्चसंवच्छरा एकतीसं एए चंदसंवच्छरा, तया णं एए आइच्चचंदसंवच्छरा समाइया समपजवसिया आहिताति वएजा । ता कया णं एए आइच्चउडुचंदणक्खत्ता संवच्छरा समाइया समपज्जवसिया आहितेति वएज्जा ? ता सहिँ एए आइच्चमासा एगढिं एए उडुमासा बावढिं एए चंदमासा सत्तहिँ एए णक्खत्तमासा, एस णं अद्धा दुवालसक्खुत्तकडा दुवालसभइया सहिँ एए आइच्चा संवच्छरा एगहिँ एए उडुसंवच्छरा बावहिँ एए चंदा संवच्छरा सत्तढिं एए णक्खत्ता संवच्छरा, तया णं एए आइच्चउडुचंदणक्खत्ता संवच्छरा समाइया समपज्जवसिया आहितेति वएजा । ता कया णं एए अभिवड्डियआइचउडुचंदणक्खत्ता संवच्छरा समाइया समपज्जवसिया आहितेति वएज्जा ? ता सत्तावण्णं मासा सत्त य अहोरत्ता एक्कारस य मुहुत्ता तेवीसं बावट्ठिभागा मुहुत्तस्स एए अभिवड्डिया मासा सहिँ एए आइच्चमासा एगढिं एए उडुमासा बावट्ठी एए चंदमासा सत्तहिँ एए णक्खत्तमासा, एस णं अद्धा छप्पण्णसयक्खुत्तकडा दुवालसभइया सत्त सया चोत्ताला एए णं अभिवडिया संवच्छरा, सत्त सया असीया एए णं आइच्चा संवच्छरा, सत्त सया तेणउया एए णं उडुसंवच्छरा अट्ठसया छलुत्तरा
