________________
सुत्तागमे
[चंदपण्णत्ती
तं०-णक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिच्छरसंवच्छरे ॥ ५२ ॥ ता णक्खत्तसंवच्छरे णं कइविहे प० ? ता णक्खत्तसंवच्छरे णं दुवालसविहे पण्णत्ते, तं०-सावणे भद्दवए जाव आसाढे, जं वा बहस्सइमहग्गहे दुवालसहिं संवच्छरेहिं सव्वं णक्खत्तमंडलं समाणेइ ॥ ५३ ॥० ता जुगसंवच्छरे णं पंचविहे पण्णत्ते, तंजहा-चंदे चंदे अभिवड्डिए चंदे अभिवडिए चेव, ता पढमस्स णं चंदसंवच्छरस्स चउवीसं पव्वा प०, दोच्चस्स णं चंदसंवच्छरस्स चउवीसं पव्वा प०, तच्चस्स णं अभिवड्डियसंवच्छरस्स छव्वीसं पव्वा प०, चउत्थस्स णं चंदसंवच्छरस्स चउवीसं पव्वा प०, पंचमस्स णं अभिवड्डियसंवच्छरस्स छव्वीसं पव्वा पण्णत्ता, एवामेव सपुव्वावरेणं पंचसंवच्छरिए जुगे एगे चउवीसे पव्वसए भवतीति मक्खायं ॥ ५४ ॥० ता पमाणसंवच्छरे णं पंचविहे प०, तंजहा-णक्खत्ते चंदे उडू आइच्चे अभिवड्डिए ॥ ५५ ॥० ता लक्खणसंवच्छरे णं पंचविहे प०, तं०-समगं णक्खत्ता जोयं जोएंति समगं उऊ परिणमंति । णचुण्ह णाइसीए बहुउदए होइ णक्खत्ते ॥ १॥ ससि समग पुण्णिमासिं जोइंता विसमचारिणक्खत्ता । कडुओ बहूदओ य तमाहु संवच्छरं चंदं ॥ २ ॥ विसमं पवालिणो परिणमंति अणुऊसु दिति पुप्फफलं । वासं न सम्म वासइ तमाहु संवच्छरं कम्मं ॥ ३ ॥ पुढविदगाणं च रसं पुप्फफलाणं च देइ आइच्चे । अप्पेणवि वासेणं सम्मं निप्फज्जए सस्सं ॥४॥ आइच्चतेयतविया खणलवदिवसा उऊ परिणमंति । पूरेइ णिण्णथलए तमाहु अभिवड्डियं जाण ॥ ५ ॥० ता सणिच्छरसंवच्छरे णं अट्ठावीसइविहे प०, तं०-अभीई सवणे जाव उत्तरासाढा, जं वा सणिच्छरे महग्गहे तीसाए संवच्छरेहि सव्वं णक्खत्तमंडलं समाणेइ ॥ ५६ ॥ दसमस्स पाहुडस्स वीसइमं पाहुङपाहुडं समत्तं ॥ १०-२०॥ ___ता कहं ते जोइसस्स दारा आहिताति वएजा ? तत्थ खलु इमाओ पंच पडिवत्तीओ पण्णत्ताओ, तं०-तत्थेगे एवमाहंसु-ता कत्तियाइया णं सत्त णक्खत्ता पुव्वदारिया पण्णत्ता एगे एवमाहंसु १, एगे पुण एवमाहंसु-ता महाइया णं सत्त णक्खत्ता पुव्वदारिया पण्णत्ता एगे एवमाहंसु २, एगे पुण एवमाहंसु-ता धणिट्ठाइया णं सत्त णक्खत्ता पुव्वदारिया पण्णत्ता एगे एवमाहंसु ३, एगे पुण एवमाहंसु-ता अस्सिणीआइया णं सत्त णक्खत्ता पुव्वदारिया पण्णत्ता एगे एवमाहंसु ४, एगे पुण एवमाहंसु-ता भरणीआइया णं सत्त णक्खत्ता पुव्वदारिया पण्णत्ता० ५। तत्थ जे ते एवमाहंसु-ता कत्तियाइया णं सत्त णक्खत्ता पुव्वदारिया पण्णत्ता, ते एवमाहंसु-तं०कत्तिया रोहिणी संठाणा अद्दा पुणव्वसू पुस्सो अस्सेसा, महाइया णं सत्त णक्खत्ता
