________________
पा० ९ दोच्चदोच्चापडिवती] सुत्तागमे
७०१ उच्चत्तं च छायं च पडुच्च लेसुद्देसे लेसं च छायं च पडुच्च उच्चत्तुद्देसे, तत्थ खलु इमाओ दुवे पडिवत्तीओ पण्णत्ताओ, तं०-तत्थेगे एवमाहंसु-ता अत्थि णं से दिवसे जंसि च णं दिवसंसि सूरिए चउपोरिसिच्छायं णिव्वत्तेइ, अत्थि णं से दिवसे जंसि च णं दिवसंसि सूरिए दुपोरिसिच्छायं णिव्वत्तेइ० एगे एवमाहंसु १, एगे पुण एवमाहंसु-ता अस्थि णं से दिवसे जंसि च णं दिवसंसि सूरिए दुपोरिसिच्छायं णिव्वत्तेइ, अस्थि णं से दिवसे जंसि० दिवसंसि सूरिए णो किंचि पोरिसिच्छायं णिव्वत्तेइ० २, तत्थ जे ते एवमाहंसु-ता अस्थि णं से दिवसे जंसि च णं दिवसंसि सूरिए चउपोरिसियं छायं णिव्वत्तेइ, अत्थि णं से दिवसे जंसि च णं दिवसंसि सूरिए दोपोरिसियं छायं णिव्वत्तेइ, ते एवमाहंसु-ता जया णं सूरिए सव्वन्भंतरं मंडलं उवसंकमित्ता चारं चरइ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, तंसि च णं दिवसंसि सूरिए चउपोरिसियं छायं णिवत्तेइ, तं०-उग्गमणमुहुत्तसि य अत्थमणमुहुत्तसि य, लेसं अभिवड्डमाणे णो चेव णं णिवुड्डेमाणे, ता जया णं सूरिए सव्वबाहिरं मंडलं उवसंकमित्ता चारं चरइ तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ, तंसि च णं दिवसंसि सूरिए दुपोरिसियं छायं णिव्वत्तेइ, तं०-उग्गमणमुहुत्तसि य अत्थमणमुहुत्तंसि य, लेसं अभिवुड्डेमाणे णो चेव णं णिवुड्ढे. माणे० १, तत्थ णं जे ते एवमाहंसु-ता अस्थि णं से दिवसे जंसि च णं दिवसंसि सूरिए दुपोरिसियं छायं णिवत्तेइ, अत्थि णं से दिवसे जंसि च णं दिवसंसि सूरिए णो किंचि पोरिसियं छायं णिव्वत्तेइ, ते एवमाहंसु-ता जया णं सूरिए सव्वभंतरं मंडलं उवसंकमित्ता चारं चरइ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, तंसि च णं दिवसंसि सूरिए दुपोरिसियं छायं णिव्वत्तेइ, तं०-उग्गमणमुहुत्तंसि य अत्थमणमुहुत्तंसि य, लेसं अभिवड्वेमाणे णो चेव णं णिवुड्वेमाणे०, .."ता जया णं सूरिए सव्वबाहिरं मंडलं उवसंकमित्ता चारं चरइ तया णं उत्तमकठ्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ, तंसि च णं दिवसंसि सूरिए णो किंचि पोरिसिच्छायं णिव्वत्तेइ, तं०-उग्गमणमुहुत्तंसि य अत्थमणमुहुत्तसि य, णो चेव णं लेसं अभिवुड्डेमाणे वा णिवुड्डेमाणे वा० २, ता कइकट्ठे ते सूरिए पोरिसिच्छायं णिव्वत्तेइ आहिताति वएज्जा ? तत्थ खलु इमाओ छण्णउई पडिवत्तीओ पण्णत्ताओ, तं०-तत्थेगे एवमार्हसु-ता अत्थि णं से देसे जंसि च णं देसंसि सूरिए एगपोरिसियं छायं णिव्वत्तेइ० एगे एवमाहंसु, एगे पुण एवमाहंसु-ता अत्थि णं से देसे जंसि च णं देससि
