________________
पा० ८ दा० उ० दिवसराइप्पमाणं] सुत्तागमे सूरियं वरयंति, चरमलेसंतरगयावि णं पोग्गला सूरियं वरयंति० ॥ २६ ॥ सत्तम पाहुडं समत्तं ॥ ७॥
ता कहं ते उदयसंठिई आहितेति वएजा ? तत्थ खलु इमाओ तिण्णि पडिवत्तीओ पण्णत्ताओ, तं०-तत्थेगे एवमाहंसु-ता जया णं जंबुद्दीवे २ दाहिणड्डे अट्ठारसमुहुत्ते दिवसे भवइ तया णं उत्तरड्डेवि अट्ठारसमुहुत्ते दिवसे भवइ, जया णं उत्तरड्ढे अट्ठारसमुहुत्ते दिवसे भवइ तया णं दाहिणड्डेवि अट्ठारसमुहुत्ते दिवसे भवइ, जया णं जंबुद्दीवे २ दाहिणड्ढे सत्तरसमुहुत्ते दिवसे भवइ तया णं उत्तरड्लेवि सत्तरसमुहुत्ते दिवसे भवइ, जया णं उत्तरड्डे सत्तरसमुहुत्ते दिवसे भवइ तया णं दाहिणड्डेवि सत्तरसमुहुत्ते दिवसे भवइ, एवं (एएणं अभिलावेणं) परिहावेयव्वं, सोलसमुहुत्ते दिवसे पण्णरसमुहुत्ते दिवसे चउद्दसमुहुत्ते दिवसे तेरसमुहुत्ते दिवसे जाव जया णं जंबुद्दीवे २ दाहिणड्ढे बारसमुहुत्ते दिवसे. तया णं उत्तरवेवि बारसमुहुत्ते दिवसे भवइ, जया णं उत्तरड्ढे बारसमुहुत्ते दिवसे भवइ तया णं दाहिणड्डेवि बारसमुहुत्ते दिवसे भवइ, जया णं दाहिणड्डे बारसमुहुत्ते दिवसे भवइ तया णं जंबुद्दीवे २ मंदरस्स पव्वयस्स पुरच्छिमपञ्चत्थिमेणं सया पण्णरसमुहुत्ते दिवसे भवइ, सया पण्णरसमुहुत्ता राई भवइ, अवट्ठिया णं तत्थ राइंदिया पण्णत्ता समणाउसो ! एगे एवमाहंसु १, एगे पुण एवमाहंसु-ता जया णं जंबुद्दीवे २ दाहिणड्ढे अट्ठारसमुहुत्ताणंतरे दिवसे भवइ तया णं उत्तरडेवि अट्ठारसमुहुत्ताणंतरे दिवसे भवइ, जया णं उत्तरड्ढे अट्ठारसमुहुत्ताणंतरे दिवसे भवइ तया णं दाहिणड्डेवि अट्ठारसमुहुत्ताणंतरे दिवसे भवइ, एवं परिहावेयव्वं, सत्तरसमुहुत्ताणंतरे दिवसे भवइ सोलसमुहुत्ताणंतरे०, पण्णरसमुहुत्ताणंतरे दिवसे भवइ चोद्दसमुहुत्ताणंतरे०, तेरसमुहुत्ताणंतरे०, जया णं जंबुद्दीवे २ दाहिणड्डे बारसमुहुत्ताणंतरे दिवसे भवइ तया णं उत्तरडेवि बारसमुहुत्ताणंतरे दिवसे०, जया णं उत्तरड्ढे बारसमुहुत्ताणंतरे दिवसे भवइ तया णं दाहिणड्डेवि बारसमुहुत्ताणंतरे दिवसे भवइ, तया णं जंबुद्दीवे २ मंदरस्स पव्वयस्स पुरथिमपञ्चत्थिमेणं णो सया पण्णरसमुहत्ते दिवसे भवइ, णो सया पण्णरसमुहुत्ता राई भवइ, अणव ट्ठिया णं तत्थ राइंदिया प० समणाउसो ! एगे एवमाहंसु २, एगे पुण एवमाहंसु-ता जया णं जंबुद्दीवे २ दाहिणड्डे अट्ठारसमुहुत्ते दिवसे भवइ तया णं उत्तरड्ढे दुवालसमुहुत्ता राई भवइ, जया णं उत्तरड्डे अट्ठारसमुहुत्ते दिवसे भवइ तया णं दाहिणड्ढे बारसमुहुत्ता राई भवइ, जया णं दाहिगड्ढे अट्ठारसमुहुत्ताणंतरे दिवसे भवइ तया णं उत्तरड्ढे बारसमुहुत्ता राई भवइ, जया णं उत्तरड्ढे अट्ठारसमुहुत्ताणंतरे दिवसे भवइ तया णं दाहिणड्ढे बारसमुहुत्ता राई
