________________
व०७ णक्खत्तसंठाणवण्णणं] सुत्तागमे
ओवि उत्तरओवि पमपि जोगं जोएंति ते णं सत्त, तंजहा-कत्तिया रोहिणी पुणव्वसू मघा चित्ता विसाहा अणुराहा, तत्थ णं जे ते णक्खत्ता जे णं सया चन्दस्स दाहिणओवि पमइंपि जोगं जोएंति ताओ णं दुवे आसाढाओ सव्वबाहिरए मंडले जोगं जोइंसु वा ३, तत्थ णं जे से णक्खत्ते जे णं सया चन्दस्स पमई० जोएइ सा णं एगा जेट्ठा इति ॥ १५६ ॥ एएसि णं भन्ते ! अट्ठावीसाए णक्खत्ताणं अभिई णक्खत्ते किंदेवयाए पण्णत्ते ? गोयमा! बम्हदेवयाए पण्णत्ते, सवणे णक्खत्ते विण्हुदेवयाए पण्णत्ते, धणिट्ठा० वसुदेवयाए पण्णत्ते, एएणं कमेणं णेयव्वा अणुपरिवाडी इमाओ देवयाओ-बम्हा विण्हू वसू वरुणे अए अभिवड्डी पूसे आसे जमे अग्गी पयावई सोमे रहे अदिई वहस्सई सप्पे पिऊ भगे अजम सविया तट्ठा वाऊ इंदग्गी मित्तो इंदे णिरई आऊ विस्सा य, एवं णक्खत्ताणं एसा परिवाडी णेयव्वा जाव उत्तरासाढा किंदेवया पण्णत्ता ? गोयमा! विस्सदेवया पण्णत्ता ॥ १५७ ॥ एएसि णं भन्ते ! अट्ठावीसाए णक्खत्ताणं अभिईणक्खत्ते कइतारे पण्णत्ते ? गोयमा ! तितारे प०, एवं णेयव्वा जस्स जइयाओ ताराओ, इमं च तं तारग्गं-तिगतिगपंचगसयदुग दुगबत्तीसगतिगं तह तिगं च । छप्पंचगतिगएकगपंचगतिग छक्कगं चेव ॥१॥ सत्तगद्गदुग पंचग एकेकग पंच चउतिगं चेव । एक्कारसग चउक्कं चउक्कगं चेव तारग्गं ॥ २ ॥ ति ॥ १५८ ॥ एएसि णं भन्ते ! अट्ठावीसाए णक्खत्ताणं अभिई णक्खत्ते किंगोत्ते प०? गोयमा ! मोग्गलायणसगोत्ते०, गाहा-मोग्गल्लायण १ संखायणे २ य तह अग्गभाव ३ कण्णिल्ले ४ । तत्तो य जाउकण्णे ५ धणंजए ६
चेव बोद्धव्वे ॥ १ ॥ पुस्सायणे ७ य अस्सायणे य ८ भग्गवेसे ९ य अग्गिवेसे १० य । गोयम ११ भारद्दाए १२ लोहिच्चे १३ चेव वासिढे १४ ॥ २ ॥ ओमजायण १५ मंडव्वायणे १६ य पिंगायणे १७ य गोवल्ले १८ । कासव १९ कोसिय २० दब्भा २१ य चामरच्छाय २२ सुंगा य २३ ॥ ३ ॥ गोवल्लायण २४ तेगिच्छायणे २५ य कच्चायणे २६ हवइ मूले । तत्तो य वज्झियायण २७ वग्घावच्चे य गोत्ताई २८ ॥ ४ ॥ एएसि णं भन्ते ! अट्ठावीसाए णक्खत्ताणं अभिईणक्खत्ते किंसंठिए पण्णत्ते ? गोयमा ! गोसीसावलिसंठिए प०, गाहा-गोसीसावलि १ काहार २ सउणि ३ पुप्फोवयार ४ वावी य ५-६ । णावा ७ आसक्खंधग ८ भग ९ छुरघरए १० य सगडुद्धी ११ ॥१॥ मिगसीसावलि १२ रुहिरबिंदु १३ तुल्ल १४ वद्धमाणग १५ पडागा १६ । पागारे १७ पलियंके १८-१९ हत्थे २० मुहफुल्लए २१ चेव ॥ २ ॥ खीलग २२ दामणि २३ एगावली २४ य गयदंत २५ विच्छुअयले य २६ । गयविक्कमे २७ य तत्तो सीहणिसीही य २८ संठाणा ॥ ३ ॥ १५९ ॥
