________________
व० ७ करणाहिगारो] सुत्तागमे राईणं कइ णामधेज्जा पण्णत्ता ? गोयमा ! पण्णरस णामधेजा पण्णत्ता, तंजहाउत्तमा य सुणक्खत्ता, एलावच्चा जसोहरा । सोमणसा चेव तहा, सिरिसंभूया य बोद्धव्वा ॥ १॥ विजया य वेजयन्ति जयंति अपराजिया य इच्छा य । समाहारा चेव तहा तेया य तहा अईतेया ॥२॥ देवाणंदा णिरई रयणीणं णामधिज्जाइं। एयासि णं भंते ! पण्णरसण्हं राईणं कइ तिही प० ? गोयमा! पण्णरस तिही प०, तं.-उग्गवई भोगवई जसवई सव्वसिद्धा सुहणामा, पुणरवि उग्गवई भोगवई जसवई सव्वसिद्धा सुहणामा, पुणरवि उग्गवई भोगवई जसवई सव्वसिद्धा सुहणामा, एवं तिगुणा एए तिहीओ सव्वेसिं राईणं, एगमेगस्स णं भंते ! अहोरत्तस्स कइ मुहुत्ता पण्णत्ता ? गोयमा ! तीसं मुहुत्ता प०, तं०-रुद्दे सेए मित्ते वाउ सुबीए तहेव अभिचंदे। माहिंद बलव बंभे बहुसच्चे चेव ईसाणे ॥ १ ॥ तढे य भावियप्पा वेसमणे वारुणे य आणंदे । विजए य वीससेणे पायावचे उवसमे य ॥२॥ गंधव्व अग्गिवेसे सयवसहे आयवे य अममे य । अणवं भोमे वसहे सव्वढे रक्खसे चेव ॥ ३ ॥१५२॥ कइ णं भन्ते ! करणा पण्णत्ता ? गोयमा ! एक्कारस करणा पण्णत्ता, तंजहा-बवं बालवं कोलवं थीविलोयणं गराइ वणिजं विट्ठी सउणी चउप्पयं णागं किंथुग्धं, एएसि णं भन्ते ! एक्कारसण्हं करणाणं कइ करणा चरा कइ करणा थिरा पण्णत्ता? गोयमा ! सत्त करणा चरा चत्तारि करणा थिरा पण्णत्ता, तंजहा–बवं बालवं कोलवं थीविलोयणं गराइ वणिजं विट्ठी, एए णं सत्त करणा चरा, चत्तारि करणा थिरा प०, तं०-सउणी चउप्पयं णागं किंथुग्धं, एए णं चत्तारि करणा थिरा पण्णत्ता, एए णं भन्ते ! चरा थिरा वा कया भवन्ति ? गोयमा ! सुक्कपक्खस्स पडिवाए राओ बवे करणे भवइ, 'बिइयाए दिवा बालवे करणे भवइ, राओ कोलवे करणे भवइ, तइयाए दिवा थीविलोयणं करणं भवइ, राओ गराइकरणं भवइ, चउत्थीए दिवा वणिज राओ विट्ठी पंचमीए दिवा बवं राओ बालवं छठ्ठीए दिवा कोलवं राओ थीविलोयणं सत्तमीए दिवा गराइ राओ वणिजं अट्ठमीए दिवा विट्ठी राओ बवं णवमीए दिवा बालवं राओ कोलवं दसमीए दिवा थीविलोयणं राओ गराइ एक्कारसीए दिवा वणिजं राओ विट्ठी बारसीए दिवा बवं राओ बालवं तेरसीए दिवा कोलवं राओ थीविलोयणं चउद्दसीए दिवा गराइकरणं राओ वणिजं पुण्णिमाए दिवा विट्ठीकरणं राओ बवं करणं भवइ, बहुलपक्खस्स पडिवाए दिवा बालवं राओ कोलवं बिइयाए दिवा थीविलोयणं राओ गराइ तइयाए दिवा वणिज राओ विट्ठी चउत्थीए दिवा बवं राओ बालवं पंचमीए दिवा कोलवं राओ थीविलोयणं छट्ठीए दिवा गराइ राओ वणिज सत्तमीए दिवा विट्ठी राओ बवं अट्ठमीए दिवा बालवं राओ कोलवं
