________________
सुत्तागमे
६३६
[जंबुद्दीवपण्णत्ती जाव अईव २ उवसोभेमाणा २ चिट्ठति, तस्स णं सीहासणस्स अवरुत्तरेणं उत्तरेणं उत्तरपुरथिमेणं एत्थ णं सक्कस्स० चउरासीए सामाणियसाहस्सीणं चउरासीइभद्दासणसाहस्सीओ पुरत्थिमेणं अट्ठण्हं अग्गमहिसीणं एवं दाहिणपुरथिमेणं अभितरपरिसाए दुवालसण्हं देवसाहस्सीणं दाहिणेणं मज्झिमाए० चउदसण्हं देवसाहस्सीणं दाहिणपञ्चत्थिमेणं बाहिरपरिसाए सोलसण्हं देवसाहस्सीणं पञ्चत्थिमेणं सत्तण्हं अणियाहिवईणंति, तए णं तस्स सीहासणस्स चउद्दिसिं चउण्हं चउरासीणं आयरक्खदेवसाहस्सीणं एवमाई विभासियव्वं सूरियाभगमेणं जाव पञ्चप्पिणन्तित्ति ॥ ११६ ॥ तए णं से सक्के हट्ट जाव हियए दिव्वं जिणेदाभिगमणजुग्गं सव्वालंकारविभूसियं उत्तरवेउव्वियं रूवं विउव्वइ २ त्ता अट्ठहिं अग्गमहिसीहिं सपरिवाराहिं णट्टाणीएणं गन्धव्वाणीएण य सद्धिं तं विमाणं अणुप्पयाहिणीकरेमाणे २ पुव्विल्लेणं तिसोवाणेणं दुल्हइ २ ता जाव सीहासणंसि पुरत्थाभिमुहे सण्णिसण्णेत्ति, एवं चेव सामाणियावि उत्तरेणं तिसोवाणेणं दुरूहित्ता पत्तेयं २ पुव्वण्णत्थेसु भद्दासणेसु णिसीयंति, अवसेसा देवा य देवीओ य दाहिणिल्लेणं तिसोवाणेणं दुरूहित्ता तहेव जाव णिसीयंति, तए णं तस्स सक्कस्स तंसि० दुरूढस्स० इमे अट्ठमंगलगा पुरओ अहाणुपुवीए संपट्ठिया०, तयणंतरं च णं पुण्णकलसभिंगारं दिव्वा य छत्तपडागा सचामरा य दंसणरइयआलोयदरिसणिज्जा वाउ यविजयवेजयन्ती य समूसिया गगणतलमणुलिहंती पुरओ अहाणुपुव्वीए संपट्ठिया, तयणन्तरं "छत्तभिंगारं०, तयणंतरं च णं वइरामयवलट्ठसंठियसुसिलिट्ठपरिघट्टमट्ठसुपइट्ठिए विसिढे अणेगवरपञ्चवण्णकुडभीसहस्सपरिमण्डियाभिरामे वाउछुयविजयवेजयन्तीपडागाछत्ताइच्छत्तकलिए तुंगे गयणयलमणुलिहंतसिहरे जोयणसहस्समूसिए महइमहालए महिंदज्झए पुरओ अहाणुपुव्वीए संपट्ठिए, तयणन्तरं च णं सरूवणेवत्थपरियच्छियसुसज्जा सव्वालंकारविभूसिया पञ्च अणिया पञ्च अणियाहिवइणो जाव संपट्ठिया, तयणन्तरं च णं बहवे आभिओगिया देवा य देवीओ य सएहिं सएहिं रूवेहिं जाव णिओगेहिं सकं देविंदं देवरायं पुरओ य मग्गओ य अहा०, तयणन्तरं च णं बहवे सोहम्मकप्पवासी देवा य देवीओ य सब्बिड्डीए जाव दुरूढा समाणा० मग्गओ य जाव संपट्ठिया, तए णं से सक्के तेणं पञ्चाणियपरिक्खित्तेणं जाव महिंदज्झएणं पुरओ पकड्डिजमाणेणं चउरासीए सामाणिय जाव परिवुडे सव्विड्डीए जाव रवेणं सोहम्मस्स कप्पस्स मज्झमज्झेणं तं दिव्वं देविढेि जाव उवदंसेमाणे २ जेणेव सोहम्मस्स कप्पस्स उत्तरिल्ले निजाणमग्गे तेणेव उवागच्छइ उवागच्छित्ता जोयणसयसाहस्सिएहिं विग्गहेहिं ओवयमाणे २ ताए उक्किट्ठाए जाव देवगईए वीईवयमाणे २ तिरियमसंखिज्जाणं दीवसमुद्दाणं मझमज्झेणं जेणेव
