________________
व० ४ चुल्ल० वासहरपव्वय०] सुत्तागमे णसयाई विक्खंभेणं मज्झे तिण्णि य पण्णत्तरे जोयणसए विक्खंभेणं उप्पि अड्डाइजे जोयणसए विक्खंभेणं मूले एगं जोयणसहस्सं पंच य एगासीए जोयणसए किंचिविसेसाहिए परिक्खेवेणं मज्झे एगं जोयणसहस्सं एगं च छलसीयं जोयणसयं किंचिविसेसूणं परिक्खेवेणं उप्पिं सत्तइक्काणउए जोयणसए किंचिविसेसूणे परिक्खेवेणं, मूले विच्छिण्णे मज्झे संखित्ते उप्पि तणुए गोपुच्छसंठाणसंठिए सव्वरयणामए अच्छे०, से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते, सिद्धस्स कूडस्स णं उप्पिं बहुसमरमणिज्जे भूमिभागे पण्णत्ते जाव विहरति । कहि णं भन्ते ! चुलहिमवन्ते वासहरपव्वए चुल्लहिमवन्तकूडे णामं कूडे पण्णत्ते ? गो० ! भरहकूडस्स पुरथिमेणं सिद्धकूडस्स पञ्चत्थिमेणं एत्थ णं चुल्लहिमवन्ते वासहरपव्वए चुलहिमवन्तकूडे णामं कूडे पण्णत्ते, एवं जो चेव सिद्धकूडस्स उच्चत्तविक्खंभपरिक्खेवो जाव ब० भू० प० वण्णओ, तस्स णं बहुसमरमणिजस्स भूमिभागस्स बहुमज्झदेसभाए एत्थ णं महं एगे पासायव.सए पण्णत्ते बासहिँ जोयणाइं अद्धजोयणं च उच्चत्तेणं इक्कतीसं जोयणाई कोसं च विक्खंभेणं अब्भुग्गयमूसियपहसिए विव विविहमणिरयणभत्तिचित्ते वाउद्धयविजयवेजयंतीपडागच्छत्ताइच्छत्तकलिए तुंगे गगणतलमभिलंघमाणसिहरे जालंतररयणपंजरुम्मीलिएव्व मणिरयणथूभियाए वियसियसयवत्तपुंडरीयतिलयरयणद्धचंदचित्ते णाणामणिमयदामालंकिए अंतो बहिं च सण्हे वइरतवणिजाइलवालुयापत्थडे सुहफासे सस्सिरीयस्वे पासाईए जाव पडिरूवे, तस्स णं पासायवडेंसगस्स अंतो बहुसमरमणिजे भूमिभागे प० जाव सीहासणं सपरिवारं, से केणटेणं भन्ते! एवं वुच्चइ-चुल्लहिमवन्तकूडे २ ? गो०!...चुल्लहिमवन्ते णामं देवे महिड्डिए जाव परिवसइ, कहि णं भन्ते ! चुल्लहिमवन्तगिरिकुमारस्स देवस्स चुलमिवन्ता णामं रायहाणी प० ? गो० ! चुल्लहिमवन्तकूडस्स दक्खिणेणं तिरियमसंखेजे दीवसमुद्दे वीईवइत्ता अयण्णं जम्बुद्दीवं २ दक्खिणेणं बारस जोयणसहस्साइं ओगाहित्ता इत्थ णं चुलहिमवन्तस्स गिरिकुमारस्स देवस्स चुल्लहिमवन्ता णामं रायहाणी प० बारस जोयणसहस्साइं आयामविक्खंभेणं, एवं विजयरायहाणीसरिसा भाणियव्वा,...एवं अवसेसाणवि कूडाणं वत्तव्वया णेयव्वा, आयामविक्खंभपरिक्खेवपासायदेवयाओ सीहासणपरिवारो अट्ठो य देवाण य देवीण य रायहाणीओ णेयव्वाओ, चउसु देवा चुल्लहिमवन्त १ भरह २ हेमवय ३ वेसमणकूडेसु ४, सेसेसु देवयाओ, से केणद्वेणं भन्ते ! एवं बुच्चइ-चुल्लहिमवन्ते वासहरपव्वए २ ? गो० ! 'महाहिमवन्तवासहरपव्वयं पणिहाय आयामुच्चत्तुव्वेहविक्खंभपरिक्खेवं पडुच्च ईसिं खुडुतराए चेव हस्सतराए चेव णीयतराए चेव, चुल्लहिमवन्ते य इत्थ देवे महिड्डिए जाव पलिओवमट्टिइए परिवसइ, से एएणटेणं
