________________
व० २ छहारयव०] सुत्तागमे
५५७ एत्थ णं दूसमा णामं समाकाले पडिवज्जिस्सइ समणाउसो!, तीसे णं भंते ! समाए भरहस्स वासस्स केरिसए आगारभावपडोयारे भविस्सइ ? गोयमा ! बहुसमरमणिज्जे भूमिभागे भविस्सइ से जहाणामए-आलिंगपुक्खरेइ वा मुइंगपुक्खरेइ वा जाव णाणामणिपंचवण्णेहिं कित्तिमेहिं चेव अकित्तिमेहिं चेव, तीसे णं भंते ! समाए भरहस्स वासस्स मणुयाणं केरिसए आयारभावपडोयारे पण्णत्ते ? गो० ! तेसिं मणुयाणं छविहे संघयणे छव्विहे संठाणे बहुईओ रयणीओ उड़े उच्चत्तेणं जहण्णेणं अंतोमुहुत्तं उक्कोसेणं साइरेगं वाससयं आउयं पालेंति २ त्ता अप्पेगइया णिरयगामी जाव सव्वदुक्खाणमंतं करेंति, 'तीसे णं समाए पच्छिमे तिभागे गणधम्मे पासंडधम्मे रायधम्मे जायतेए धम्मचरणे य वोच्छिजिस्सइ ॥ ३५ ॥ तीसे णं समाए एकवीसाए वाससहस्सेहिं काले विइकते अणंतेहिं वण्णपजवेहिं गंध० रस० फासपज्जवेहिं जाव परिहायमाणे २ एत्थ णं दूसमदूसमा णामं समाकाले पडिवजिस्सइ समणाउसो !, तीसे णं भंते ! समाए उत्तमकठ्ठपत्ताए भरहस्स वासस्स केरिसए आयारभावपडोयारे भविस्सइ ? गोयमा ! काले भविस्सइ हाहाभूए भंभाभूए कोलाहलभूए समाणुभावेण य खरफरुसधूलिमइला दुव्विसहा वाउला भयंकरा य वाया संवगा य वाइंति, इह अभिक्खणं २ धूमाहिति य दिसाओ समंता रउस्सला रेणुकलुसतमपडलणिरालोया समयलुक्खयाए णं अहियं चंदा सीयं मोच्छिहिंति अहियं सूरिया तविस्संति, अदुत्तरं च णं गोयमा ! अभिक्खणं २ अरसमेहा विरसमेहा खारमेहा खत्तमेहा अग्गिमेहा विजुमेहा विसमेहा अजवणिजोदगा वाहिरोगवेयणोदीरणपरिणामसलिला अमणुण्णपाणियगा चंडाणिलपहयतिक्खधाराणिवायपउरं वासं वासिहिंति, जेणं भरहे वासे गामागरणगरखेडकब्बडमडंबदोणमुहपट्टणासमगयं जणवयं चउप्पयगवेलए खहयरे पक्खिसंघे गामारण्णप्पयारणिरए तसे य पाणे बहुप्पयारे रुक्खगुच्छगुम्मलयवल्लिपवालंकुरमाइए तणवणस्सइकाइए ओसहीओ य विद्धंसेहिंति पव्वयगिरिडोंगरुत्थलभट्ठिमाइए य वेयङगिरिवजे विरावहिंति, सलिलबिलविसमगत्तणिण्णुण्णयाणि य गंगासिंधुवजाइं समीकरेहिंति, तीसे णं भंते ! समाए भरहस्स वासस्स भूमीए केरिसए आगारभावपडोयारे भविस्सइ ? गोयमा ! भूमी भविस्सइ इंगालभूया मुम्मुरभूया छारियभूया तत्तकवेल्लुयभूया तत्तसमजोइभूया धूलिबहुला रेणुबहुला पंकबहुला पणयबहुला चलणिबहुला बहूणं धरणिगोयराणं सत्ताणं दुन्निकमा यावि भविस्सइ । तीसे णं भंते ! समाए भरहे वासे मणुयाणं केरिसए आयारभावपडोयारे भविस्सइ ? गोयमा ! मणुया भविस्संति दुरूवा दुवण्णा दुगंधा दुरसा दुफासा अणिट्ठा अकंता अप्पिया असुभा
