________________
सुत्तागमे
[ जंबुडीवपण्णत्ती
जम्मजरामरणाणं सरीरगाईं सीयं आरुति २ त्ता चिइगाए ठवेंति, तए णं से सके देविंदे देवराया ते बहवे भवणवर जाव वैमाणिए देवे एवं वयासी - खिप्पामेव भो देवाणुप्पिया ! तित्थगरचिइगाए जाव अणगारचिइगाए अगुरुतुरुक्कघयं च कुंभग्गसो य भारग्गसो य साहरह, तए णं ते० भवणवइ जाव वेमाणिया देवा तित्थगरचिइगाए जाव अणगारचिइगाए जाव भारग्गसो य साहरंति, तए णं से सक्के देविंदे देवराया अग्गिकुमारे देवे सद्दावेइ २ त्ता एवं वयासी - खिप्पामेव भो देवाणुप्पिया ! तित्थगरचिइगाए जाव अणगारचिइगाए अगणिकायं विउव्वह २ त्ता एयमाणत्तियं पञ्चष्पिणह, तए णं ते अग्गिकुमारा देवा विमणा णिराणंदा तित्थगरचिइगाए जाव अणगारचिइगाए अगणिकायं विउव्वंति, तए णं से सके देविंदे देवराया वाउकुमारे देवे सद्दावेइ २ त्ता एवं वयासी - खिप्पामेव भो देवाणुप्पिया ! तित्थगरचिइगाए जाव अणगारचिइगाए वाउक्कायं विउव्वह २ त्ता अगणिकायं उज्जालेह तित्थगरसरीरगं गणहरसरीरगाईं अणगारसरीरगाईं च झामेह, तए णं ते वाकुमारा देवा विमणा णिराणंदा तित्थगरचिइगाए जाव विउव्वंति अगणिकार्य उज्जालेंति तित्थगरसरीरगं जाव अणगारसरीरगाणि य झामेंति, तए णं ते बहवे भवणवइ जाव वेमाणिया देवा तित्थगरस्स परिणिव्वाणमहिमं करेंति २ त्ता जेणेव साईं साई विमाणाई जेणेव साइं २ भवणाई जेणेव साओ २ सभाओ सुहम्माओ तेणेव उवागच्छंत २ त्ता विउलाई भोगभोगाई भुंजमाणा विहरंति ॥ ३३ ॥ तीसे णं समाए दोहिं सागरोवमकोडाकोडीहिं काले वीइकंते अणतेहिं वण्णपज्जवेहिं तहेव जाव अणंतेहिं उट्ठाणकम्म जाव परिहायमाणे २ एत्थ णं दूसमसुसमा णामं समाकाले पडिवजिंसु समणाउसो !, तीसे णं भंते ! समाए भरहस्त वासस्स के रिसए आगारभावपडोयारे पण्णत्ते ? गोयमा ! बहुसमरमणिजे भूमिभागे पण्णत्ते, से जहाण|मए-आलिंगपुक्खरेइ वा जाव मणीहिं उवसोभिए, तंजहा - कित्तिमेहिं चेव०, तीसे णं भंते ! समाए भरहे • मणुयाणं केरिसए आयारभावपडोयारे प० ? गोयमा ! तेसिं मणुयाणं छव्विहे संघयणे छव्विहे संठाणे बहूइं धणूई उच्छृं उच्चत्तेणं जहणेणं अंतोमुहुत्तं उक्कोसेणं पुव्वकोडीआउयं पार्लेति २ त्ता अप्पेगइया णिरयगामी जाव देवगामी अप्पेगइया सिज्झंति बुज्झंति जाव सव्वदुक्खाणमंतं करेंति, तीसे णं समाए तओ वंसा समुप्पज्जित्था, तंजहा - अरहंतवंसे चक्कवट्टिवंसे दसारवंसे, तीसे णं समाए तेवीसं तित्थयरा इक्कारस चक्कवट्टी णव बलदेवा णव वासुदेवा समुप्पज्जित्था ॥ ३४ ॥ तीसे णं समाए एक्काए सागरोवमकोडाकोडीए बायालीसाए वाससहस्सेहिं ऊणियाए काले वीइकंते अणतेहिं वण्णपज्जवेहिं तहेव जाव परिहाणीए परिहायमाणे २
५५६
