________________
५२५
प० ३६ रइय० ]
जहेव असुरकुमारस्स । पुढविकाइयस्स नेरइयत्ते जाव थणियकुमारत्ते अतीता अनंता, पुरेक्खडा कस्सइ अस्थि कस्सइ नत्थि, जस्सत्थि सिय संखेज्जा, सिय असंखेजा, सिय अनंता । पुढविकाइयस्स पुढविकाइयत्ते जाव मणूसत्ते अतीता अणंता, पुरेक्खडा कस्सइ अत्थि कस्सइ नत्थि, जस्स अत्थि एगुत्तरिया । वाणमंतरत्ते जहा पेरइयत्ते । जोइसियवेमाणियत्ते अतीता अणंता, पुरेक्खडा कस्सइ अत्थि कस्सइ नत्थि, जस्स अत्थि सिय असंखेज्जा, सिय अनंता, एवं जाव मणूसे वि नेयव्वं । वाणमंतरजोइसियवेमाणिया जहा असुरकुमारा, गवरं सहाणे एगुत्तरियाए भाणियव्वे जाव वेमाणियस्स वेमाणियत्ते । एवं एए चउव्वीसं चउव्वीसा दंडगा ॥ ६९० ॥ मारणंतियसमुग्धाओ सट्टाणे वि परद्वाणे वि एगुत्तरियाए नेयव्वो जाव वेमाणियस्स वेमाणियत्ते, एवमेए चउवीसं चउवीसदंडगा भाणियव्वा । वेउब्वियसमुग्धाओ जहा कसायसमुघाओ तहा निरवसेसो भाणियव्वो, नवरं जस्स नत्थि तस्स न बुच्चइ, एत्थ विचउवीसं चवीसा दंडगा भाणियव्वा । तेयगसमुग्धाओ जहा मारणंतियसमुग्धाओ,
वा,
वरं जस्सऽत्थि, एवं एए वि चउव्वीसं चउव्वीसा दंडगा भाणियव्वा ॥ ६९१ ॥ एगमेगस्स णं भंते! नेरइयस्स नेरइयत्ते केवइया आहारगसमुग्धाया अतीता ? गोमा ! णत्थि । केवइया पुरेक्खडा ? गोयमा ! णत्थि एवं जाव वेमाणियत्ते, नवरं मणूसत्ते अतीता कस्सइ अस्थि कस्सइ नत्थि, जस्सत्थि जहन्नेणं एक्को वा दो उक्कोसेणं तिन्नि । केवइया पुरेक्खडा ? गोयमा ! कस्सइ अत्थि कस्सइ नत्थि, जस्सत्थि जहनेणं एक्को वा दो वा तिण्णि वा, उक्कोसेणं चत्तारि, एवं सव्वजीवाणं मणुस्साणं भाणियव्वं । मणूसस्स मणूसत्ते अतीता कस्सइ अस्थि कस्सइ नत्थि, जस्सत्थि जहन्नेणं एक्को वा दो वा तिण्णि वा, उक्कोसेणं चत्तारि, एवं पुरेक्खडा वि । एवमेए चउवीसं चउवीसा दंडगा जाव वेमाणियते ॥ ६९२ ॥ एगमेगस्स णं भंते! नेरइयस्स नेरइयत्ते केवइया केवलिसमुग्धाया अतीता ? गोयमा ! णत्थि । केवइया पुरेक्खडा ? गोयमा ! नत्थि, एवं जाव वेमाणियत्ते, नवरं मणूसत्ते अतीता
थ, पुक्खडा कस्सइ अत्थि कस्सइ नत्थि, जस्सत्थि इक्को, मणूसस्स मणूसत्ते अतीता कस्स अस्थि कस्सइ नत्थि, जस्सत्थि एक्को, एवं पुरेक्खडा वि । एवमेए चउव्वीसं चउव्वीसा दंडगा ॥ ६९३ ॥ नेरइयाणं भंते ! नेरइयत्ते केवइया वेयणासमुग्धाया अतीता ? गोयमा ! अनंता । केवइया पुरेक्खडा ? गोयमा ! अनंता, एवं जाव वेमाणियत्ते, एवं सव्वजीवाणं भाणियव्वं जाव वेमाणियाणं वेमाणियत्ते, एवं जाव तेयगसमुग्धाया, णवरं उवउ जिऊण णेयव्वं जस्सत्थि वेउव्वियतेयगा ॥ ६९४ ॥ नेरइयाणं भंते ! नेरइयत्ते केवइया आहारगसमुग्धाया अतीता ? गोयमा ! नत्थि ।
