________________
प० २३ उ० २ एगिदि० असाया०] सुत्तागमे
खेजइभागेणं ऊणयं, उक्कोसेणं दस सागरोवमकोडाकोडीओ, दस य वाससयाई अबाहा । ऊसासनामाए पुच्छा । गोयमा ! जहा तिरियाणुपुवीए, आयवनामाए वि एवं चेव । उज्जोयनामाए वि पसत्थविहायोगइनामाए वि पुच्छा । गोयमा ! जहन्नेणं एगं सागरोवमस्स सत्तभागं, उक्कोसेणं दस सागरोवमकोडाकोडीओ, दस वाससयाई अबाहा। अपसत्थविहायोगइनामस्स पुच्छा। गोयमा ! जहन्नेणं सागरोवमस्स दोण्णि सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ, वीस य वाससयाइं अबाहा । तसनामाए थावरनामाए य एवं चेव । सुहुमनामाए पुच्छा । गोयमा ! जहन्नेणं सागरोवमस्स णव पणतीसइभागा पलिओवमस्स असंखेजइभागेणं ऊणया, उक्कोसेणं अट्ठारस सागरोवमकोडाकोडीओ, अट्ठारस य वाससयाइं अबाहा। बायरनामाए जहा अपसत्थविहायोगइनामस्स । एवं पज्जत्तनामाए वि, अपजत्तनामाए जहा सुहुमनामस्स । पत्तेयसरीरनामाए वि दो सत्तभागा, साहारणसरीरनामाए जहा सुहुमस्स, थिरनामाए एगं सत्तभागं, अथिरनामाए दो, सुभनामाए एगो, असुभनामाए दो, सुभगनामाए एगो, दूभगनामाए दो, सूसरनामाए एगो, दूसरनामाए दो, आदिजनामाए एगो, अणादिजनामाए दो, जसोकित्तिनामाए जहन्नेणं अट्ठ मुहुत्ता, उक्कोसेणं दस सागरोवमकोडाकोडीओ, दस वाससयाइं अबाहा। अजसोकित्तिनामाए पुच्छा । गोयमा ! जहा अपसत्थविहायोगइनामस्स, एवं निम्माणनामाए वि । तित्थगरणामाए णं पुच्छा । गोयमा ! जहन्नेणं अंतोसागरोवमकोडाकोडीओ, उक्कोसेण वि अंतोसागरोवमकोडाकोडीओ। एवं जत्थ एगो सत्तभागो तत्थ उक्कोसेणं दस सागरोवमकोडाकोडीओ, दस वाससयाइं अबाहा, जत्थ दो सत्तभागा तत्थ उक्कोसेणं वीसं सागरोवमकोडाकोडीओ वीस य वाससयाइं अबाहा ॥ ६२३ ॥ उच्चागोयस्स णं पुच्छा । गोयमा ! जहन्नेणं अट्ठ मुहुत्ता, उक्कोसेणं दस सागरोवमकोडाकोडीओ, दस य वाससयाइं अबाहा । नीयागोत्तस्स पुच्छा। गोयमा ! जहा अपसत्थविहायोगइनामस्स ॥ ६२४ ॥ अंतराइए णं पुच्छा। गोयमा ! जहन्नेणं अंतोमुहुत्तं, उक्कोसेणं तीसं सागरोवमकोडाकोडीओ, तिण्णि य वाससहस्साई अबाहा, अबाहूणिया कम्मट्ठिई कम्मनिसेगो ॥ ६२५ ॥ एगिंदिया णं भंते ! जीवा णाणावरणिजस्स कम्मस्स कि बंधंति ? गोयमा ! जहन्नेणं सागरोवमस्स तिण्णि सत्तभागा पलिओवमस्स असंखेज्जइभागेणं ऊणया, उक्कोसेणं ते चेव पडिपुण्णे बंधति । एवं निद्दापंचगस्स वि, दंसणचउक्कस्स वि । एगिदिया णं भंते !० सायावेयणिजस्स कम्मस्स किं बंधंति ? गोयमा ! जहन्नेणं सागरोवमस्स दिवढे सत्तभागं पलिओवमस्स असंखेजइभागेणं ऊणयं, उक्कोसेणं तं चेव पडिपुण्णं बंधंति । असायावेयणिज्जस्स
