________________
सुत्तागमे
४९२
[पण्णवणासुत्तं बारस मुहत्ता, उक्कोसेणं पण्णरस सागरोवमकोडाकोडीओ, पण्णरस वाससयाई अबाहा । असायावेयणिजस्स जहन्नेणं सागरोवमस्स तिण्णि सत्तभागा पलिओवमस्स असंखेजइभागेणं ऊणया, उक्कोसेणं तीसं सागरोवमकोडाकोडीओ, तिण्णि य वाससहस्साइं अबाहा ॥ ६२० ॥ सम्मत्तवेय णिजस्स पुच्छा । गोयमा ! जहन्नेणं अंतोमुहुत्तं, उक्कोसेणं छावहिँ सागरोवमाइं साइरेगाइं । मिच्छत्तवेयणिज्जस्स जहन्नेणं सागरोवमं पलिओवमस्स असंखेज्जइभागेण ऊणगं, उक्कोसेणं सत्तरि कोडाकोडीओ, सत्त य वाससहस्साइं अबाहा, अबाहूणिया० । सम्मामिच्छत्तवेयणिजस्स जहन्नेणं अंतोमुहुत्तं, उक्कोसेणं अंतोमुहुत्तं । कसायबारसगस्स जहन्नेणं सागरोवमस्स चत्तारि सत्तभागा पलिओवमस्स असंखेजइभागेणं ऊणया, उक्कोसेणं चत्तालीसं सागरोवमकोडाकोडीओ, चत्तालीसं वाससयाई अबाहा जाव निसेगो । कोहसंजलणे पुच्छा। गोयमा! जहन्नेणं दो मासा, उक्कोसेणं चत्तालीसं सागरोवमकोडाकोडीओ, चत्तालीसं वाससयाइं अबाहा जाव निसेगो । माणसंजलणाए पुच्छा । गोयमा ! जहन्नेणं मासं, उक्कोसेणं जहा कोहस्स । मायासंजलणाए पुच्छा । गोयमा ! जहन्नेणं अद्धं मासं, उकोसेणं जहा कोहस्स । लोहसंजलणाए पुच्छा । गोयमा ! जहन्नेणं अंतोमुहुत्तं, उकोसेणं जहा कोहस्स । इत्थिवेयस्स पुच्छा। गोयमा ! जहन्नेणं सागरोवमस्स दिवढं सत्तभागं पलिओवमस्स असंखेजइभागेण ऊणयं, उक्कोसेणं पण्णरस सागरोवमकोडाकोडीओ, पण्णरस वाससयाइं अबाहा । पुरिसवेयस्स णं पुच्छा। गोयमा ! जहन्नेणं अट्ठ संवच्छराई, उक्कोसेणं दस सागरोवमकोडाकोडीओ, दस वाससयाइं अबाहा जाव निसेगो । णपुंसगवेयस्स णं पुच्छा । गोयमा ! जहन्नेणं सागरोवमस्स दोण्णि सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ, वीसइ वाससयाइं अबाहा। हासरईणं पुच्छा। गोयमा ! जहन्नेणं सागरोवमस्स एवं सत्तभागं पलिओवमस्स असंखेज्जइभागेणं ऊणं, उक्कोसेणं दस सागरोवमकोडाकोडीओ, दस वाससयाई अबाहा। अरइभयसोगदुगुंछाणं पुच्छा । गोयमा ! जहन्नेणं सागरोवमस्स दोण्णि सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ, वीसं वाससयाई अबाहा ॥ ६२१ ॥ नेरइयाउयस्स णं पुच्छा । गोयमा ! जहन्नेणं दस वाससहस्साइं अंतोमुहुत्तमब्भहियाई, उक्कोसेणं तेत्तीसं सागरोवमाइं पुव्वकोडीतिभागमब्भहियाइं । तिरिक्खजोणियाउयस्स पुच्छा । गोयमा ! जहन्नेणं अंतोमुहुत्तं, उक्कोसेणं तिण्णि पलिओवमाई पुवकोडीतिभागमभहियाई, एवं मणूसाउयस्स वि । देवाउयस्स जहा नेरइयाउयस्स ठिइत्ति ॥ ६२२ ॥ निरयगइनामए णं पुच्छा । गोयमा ! जहन्नेणं सागरोवमसह
