________________
सुत्तागमे
[पण्णवणासुतं
आरंभिया किरिया कज्जइ जाव मिच्छादसणवत्तिया किरिया कज्जइ ? गोयमा ! मिच्छादसणसल्लविरयस्स जीवस्स णं आरंभिया किरिया सिय कन्जइ, सिय नो कजा. एवं जाव अपञ्चक्खाणकिरिया । मिच्छादसणवत्तिया किरिया न कज्जइ । मिच्छादंसणसल्लविरयस्स णं भंते ! नेरइयस्स किं आरंभिया किरिया कज्जइ जाव मिच्छादंसणवत्तिया किरिया कजइ ? गोयमा ! आरंभिया किरिया कज्जइ जाव अपच्चक्खाणकिरिया वि कज्जइ, मिच्छादंसणवत्तिया किरिया नो कज्जइ । एवं जाव थणियकुमारस्स । मिच्छादसणसल्लविरयस्स णं भंते ! पंचिंदियतिरिक्खजोणियस्स एवमेव पुच्छा । गोयमा ! आरंभिया किरिया कज्जइ जाव मायावत्तिया किरिया कन्जइ, अपच्चक्खाणकिरिया सिय कजइ, सिय नो कज्जइ, मिच्छादसणवत्तिया किरिया नो कजइ । मणूसस्स जहा जीवस्स । वाणमंतरजोइसियवेमाणियाणं जहा नेरइयस्स ॥ ५९६ ॥ एयासि णं भंते ! आरंभियाणं जाव मिच्छादंसणवत्तियाण य कयरा कयराहिंतो अप्पा वा ४ ? गोयमा ! सव्वत्थोवाओ मिच्छादंसणवत्तियाओ किरियाओ, अपञ्चक्खाणकिरियाओ विसेसाहियाओ, परिग्गहियाओ० विसेसाहियाओ, आरंभियाओ किरियाओ विसेसाहियाओ, मायावत्तियाओ० विसेसाहियाओ॥५९७ ॥ पन्नवणाए भगवईए बावीसइमं किरियापयं समत्तं ॥
कइ पगडी कह बन्धइ कइहि वि ठाणेहिं बन्धए जीवो। कइ वेएइ य पयडी अणुभावो कइविहो कस्स ॥ कइ णं भंते ! कम्मपगडीओ पण्णत्ताओ? गोयमा ! अट्ठ कम्मपगडीओ पण्णत्ताओ। तंजहा—णाणावरणिजं १, सणावरणिजं २, वेयणिज्ज ३, मोहणिजे ४, आउयं ५, नामं ६, गोयं ७, अंतराइयं ८ । नेरइयाणं भंते ! कइ कम्मपगडीओ पन्नत्ताओ ? गोयमा ! एवं चेव, एवं जाव वेमाणियाणं १ ॥ ५९८ ॥ कहं णं भंते ! जीवे अट्ठ कम्मपगडीओ बन्धइ ? गोयमा ! नाणावरणिजस्स कम्मस्स उदएणं दरिसणावरणिजं कम्मं णियच्छइ, दंसणावरणिजस्स कम्मस्स उदएणं दसणमोहणिज कम्मं णियच्छइ, दंसणमोहणिजस्स कम्मस्स उदएणं मिच्छत्तं णियच्छइ, मिच्छत्तेणं उदिएणं गोयमा ! एवं खलु जीवो अट्ठ कम्मपगडीओ बन्धइ। कहं णं भंते ! नेरइए अट्ठ कम्मपगडीओ बन्धइ ? गोयमा ! एवं चेव, एवं जाव वेमाणिए । कहण्णं भंते ! जीवा अट्ठ कम्मपगडीओ बन्धन्ति ? गोयमा ! एवं चेव, एवं जाव वेमाणिया ॥ ५९९ ॥ जीवे णं भंते ! णाणावरणिज्जं कम्मं कइहिं ठाणेहिं बंधइ ? गोयमा ! दोहिं ठाणेहि, तंजहा-रागेण य दोसेण य। रागे दुविहे पन्नत्ते। तंजहा—माया य लोभे य । दोसे दुविहे पन्नत्ते । तंजहा--कोहे य माणे य, इच्चेएहिं चउहि ठाणेहिं विरिओवग्गहिएहिं एवं खलु जीवे णाणावरणिजं कम्मं बन्धइ,
