________________
४७८
सुत्तागमे
[पण्णवणासुतं रगसरीरा पएसट्टयाए अणंतगुणा, वेउव्वियसरीरा पएसट्ठयाए असंखेज्जगुणा, ओरालियसरीरा पएसट्टयाए असंखेजगुणा, तेयाकम्मा दोवि तुल्ला दव्वठ्ठयाए अणंतगुणा, तेयगसरीरा पएसठ्ठयाए अणंतगुणा, कम्मगसरीरा पएसठ्ठयाए अणंतगुणा ॥५८०॥ एएसि णं भंते ! ओरालियवेउव्वियआहारगतेयगकम्मगसरीराणं जहणियाए ओगाहणाए उक्कोसियाए ओगाहणाए जहण्णुकोसियाए ओगाहणाए कयरे कयरेहितो अप्पा वा ४१ गोयमा ! सव्वत्थोवा ओरालियसरीरस्स जहणिया ओगाहणा, तेयाकम्मगाणं दोण्ह वि तुल्ला जहणिया ओगाहणा विसेसाहिया, वेउव्वियसरीरस्स जहण्णिया ओगाहणा असंखेजगुणा, आहारगसरीरस्स जहणिया ओगाहणा असंखेजगुणा। उक्कोसियाए ओगाहणाए-सव्वत्थोवा आहारगसरीरस्स उक्कोसिया ओगाहणा, ओरालियसरीरस्स उक्कोसिया ओगाहणा संखेजगुणा, वेउव्वियसरीरस्स उक्कोसिया ओगाहणा संखेनगुणा, तेयाकम्मगाणं दोण्ह वि तुल्ला उक्कोसिया ओगाहणा असंखेजगुणा । जहण्णुकोसियाए ओगाहणाए-सव्वत्थोवा ओरालियसरीरस्स जहणिया
ओगाहणा, तेयाकम्माणं दोण्ह वि तुल्ला जहण्णिया ओगाहणा विसेसाहिया, वेउब्वियसरीरस्स जहणिया ओगाहणा असंखेज्जगुणा, आहारगसरीरस्स जहण्णिया ओगाहणा असंखेजगुणा, आहारगसरीरस्स जहणियाहिंतो ओगाहणाहिंतो तस्स चेव उक्कोसिया ओगाहणा विसेसाहिया, ओरालियसरीरस्स उक्कोसिया ओगाहणा संखेजगुणा, वेउब्वियसरीरस्स उक्कोसिया ओगाहणा संखेजगुणा, तेयाकम्मगाणं दोण्ह वि तुल्ला उक्कोसिया ओगाहणा असंखेजगुणा ॥ ५८१ ॥ पन्नवणाए भगवईए एगवीसइमं ओगाहणासंठाणपयं समत्तं ॥
कइ णं भंते ! किरियाओ पण्णत्ताओ? गोयमा ! पंच किरियाओ पण्णत्ताओ। तंजहा-काइया १, अहिगरणिया २, पाओसिया ३, पारियावणिया ४, पाणाइवायकिरिया ५ । काइया णं भंते ! किरिया कइविहा पन्नत्ता ? गोयमा ! दुविहा पन्नत्ता। तंजहा-अणुवरयकाइया य दुप्पउत्तकाइया य । अहिगरणिया णं भंते ! 'किरिया कइविहा पन्नत्ता ? गोयमा ! दुविहा पन्नत्ता। तंजहा-संजोयणाहिगरणिया य निव्वत्तणाहिगरणिया य । पाओसिया णं भंते ! किरिया कइविहा पन्नत्ता ? गोयमा ! तिविहा पन्नत्ता । तंजहा-जेणं अप्पणो वा परस्स वा तदुभयस्स वा असुभं मणं संपधारेइ, सेत्तं पाओसिया किरिया । पारियावणिया णं भंते ! किरिया कइविहा पन्नत्ता ? गोयमा ! तिविहा पन्नत्ता । तंजहा-जेणं अप्पणो वा परस्स वा तदुभयस्स वा अस्सायं वेयणं उदीरेइ, सेत्तं पारियावणिया किरिया । पाणाइवायकिरिया णं भंते! कइविहा पन्नत्ता? गोयमा ! तिविहा पन्नत्ता । तंजहा-जेणं अप्पाणं वा परं वा तदुभयं वा जीवियाओ
