________________
५० २१ बेइंदिय० पुच्छा]
सुत्तागमे भूमगगब्भवतियमणूसआहारगसरीरे, नो अपमत्तसंजयसम्मट्ठिी०कम्मभूमगगब्भवक्कंतियमणूसआहारगसरीरे। जइ पमत्तसंजयसम्मद्दिट्टी०संखेजवासाउयकम्मभूमग०मणूसआहारगसरीरे किं इड्डिपत्तपमत्तसंजयसम्म ट्ठिी०कम्मभूमगसंखेज्जवासाउयगब्भवतियमणूसआहारगसरीरे, अणिड्डिपत्तपमत्तसंजय०कम्मभूमगसंखेजवासाउयगब्भवक्कंतिय०आहारगसरीरे ? गोयमा ! इड्डिपत्तपमत्तसंजयसम्मट्टिी०संखेज्जवासाउयकम्मभूमगगब्भवक्कंतियमणूसआहारगसरीरे नोअणिड्डिपत्तपमत्तसंजयसम्मट्टिी०संखेजवासाउयकम्मभूमगगब्भवकंतियमणूसआहारगसरीरे। आहारगसरीरे णं भंते ! किंसंठिए पन्नत्ते ? गोयमा ! समचउरंससंठाणसंठिए पन्नत्ते । आहारगसरीरस्स णं भंते ! केमहालिया सरीरोगाहणा पन्नत्ता ? गोयमा ! जहन्नेणं देसूणा रयणी, उक्कोसेणं पडिपुण्णा रयणी ॥५७५॥ तेयगसरीरे णं भंते ! कइविहे पन्नत्ते ? गोयमा ! पंचविहे पन्नत्ते । तंजहा—एगिदियतेयगसरीरे जाव पांचंदियतेयगसरीरे। एगिदियतेयगसरीरे णं भंते ! कइविहे पन्नत्ते ? गोयमा ! पंचविहे पन्नत्ते । तंजहा-पुढविकाइय० जाव वणस्सइकाइयएगिदियतेयगसरीरे । एवं जहा ओरालियसरीरस्स भेओ भणिओ तहा तेयगस्स वि जाव चउरिंदियाणं। पांचंदियतेयगसरीरे णं भंते ! कइविहे पन्नत्ते ? गोयमा ! चउविहे पन्नत्ते । तंजहा-नेरइयतेयगसरीरे जाव देवतेयगसरीरे, नेरइयाणं दुगओ भेओ भाणियव्वो जहा वेउब्वियसरीरे । पंचिंदियतिरिक्खजोणियाणं मणूसाण य जहा ओरालियसरीरे भेओ भणिओ तहा भाणियव्वो। देवाणं जहा वेउव्वियसरीरभेओ भणिओ तहा भाणियव्वो जाव सव्वट्ठसिद्धदेवत्ति । तेयगसरीरे णं भंते ! किंसंठिए पन्नत्ते ? गोयमा ! णाणासंठाणसंठिए पन्नत्ते । एगिदियतेयगसरीरे णं भंते ! किंसंठिए पन्नत्ते ? गोयमा णाणासंठाणसंठिए पन्नत्ते। पुढविकाइयएगिंदियतेयगसरीरे णं भंते ! किंसंठिए पन्नत्ते ? गोयमा ! मसूरचंदसंठाणसंठिए पन्नत्ते, एवं ओरालियसंठाणाणुसारेण भाणियव्वं जाव चउरिदियाण वि । नेरइयाणं भंते ! तेयगसरीरे किंसंठिए पन्नत्ते ? गोयमा ! जहा वेउब्वियसरीरे । पंचिंदियतिरिक्खजोणियाणं मणूसाणं जहा एएसिं चेव ओरालियत्ति । देवाणं भंते ! तेयगसरीरे किंसंठिए पन्नत्ते ? गोयमा ! जहा वेउब्बियस्स जाव अणुत्तरोववाइयत्ति ॥ ५७६ ॥ जीवस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता ? गोयमा ! सरीरप्पमाणमेत्ता विक्खंभबाहल्लेणं, आयामेणं जहन्नेणं अंगुलस्स असंखेज्जइभागं, उक्कोसेणं लोगंताओ लोगंते । एगिदियस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता ? गोयमा ! एवं चेव जाव पुढवि० आउ० तेउ० वाउ० वणप्फइकाइयस्स । बेइंदियस्स
