________________
प० २१ ति० पं० ओ० सरीरभेया] सुत्तागमे
४६५
गाण वि, सलिंगीणं दंसणवावण्णगाणं जहन्नेणं भवणवासीसु, उक्कोसेणं उवरिमगेवेजएस ॥ ५६७ ॥ कइविहे णं भंते ! असण्णियाउए पन्नत्ते ? गोयमा ! चउबिहे असण्णियाउए पन्नत्ते । तंजहा–नेरइयअसण्णियाउए जाव देवअसण्णियाउए। असण्णी णं भंते ! जीवे किं नेरइयाउयं पकरेइ जाव देवाउयं पकरेइ ? गोयमा ! नेरइयाउयं पकरेइ जाव देवाउयं पकरेइ । नेरइयाउं पकरेमाणे जहन्नेणं दस वाससहस्साई, उक्कोसेणं पलिओवमस्स असंखेजइभागं पकरेइ। तिरिक्खजोणियाउयं पकरेमाणे जहन्नेणं अंतोमुहुत्तं, उक्कोसेणं पलिओवमस्स असंखेजइभागं पकरेइ । एवं मणुस्साउयं पि । देवाउयं जहा नेरइयाउयं । एयस्स णं भंते ! नेरइयअसण्णिआउयस्स जाव देवअसण्णिआउयस्स कयरे कयरेहितो अप्पा वा ४ ? गोयमा ! सव्वत्थोवे देवअसण्णिआउए, मणूसअसण्णिआउए असंखेजगुणे, तिरिक्खजोणियअसण्णिआउए असंखेजगुणे, नेरइयअसण्णिआउए असंखेजगुणे ॥ ५६८ ॥ पन्नवणाए भगवईए वीसइमं अंतकिरियापयं समत्तं ॥
विहिसंठाणपमाणे पोग्गलचिणणा सरीरसंजोगो । दव्वपएसऽप्पबहुं सरीरोगाहणऽप्पबहुं ॥ कइ णं भंते ! सरीरया पन्नत्ता ? गोयमा ! पंच सरीरया पन्नत्ता। तंजहा-ओरालिए १, वेउव्विए २, आहारए ३, तेयए ४, कम्मए ५ । ओरालियसरीरे णं भंते ! कइविहे पन्नत्ते ? गोयमा ! पंचविहे पन्नत्ते । तंजहा-एगिंदियओरालियसरीरे जाव पंचिंदियओरालियसरीरे । एगिदियओरालियसरीरे णं भंते ! कइविहे पन्नत्ते ? गोयमा ! पंचविहे पन्नत्ते । तंजहा-पुढविकाइयएगिंदियओरालियसरीरे जाव वणप्फइकाइयएगिदियओरालियसरीरे । पुढविकाइयएगिदियओरालियसरीरे णं भंते ! कइविहे पन्नत्ते ? गोयमा ! दुविहे पन्नत्ते । तंजहा-सुहुमपुढविकाइयएगिदियओरालियसरीरे य बायरपुढविकाइयएगिदियओरालियसरीरे य। सुहुमपुढविकाइयएगिदियओरालियसरीरे णं भंते ! कइविहे पन्नत्ते ? गोयमा ! दुविहे पन्नत्ते। तंजहा—पजत्तगसुहुमपुढविकाइयएगिंदियओरालियसरीरे य अपज्जत्तगसुहुमपुढविकाइयएगिंदियओरालियसरीरे य । बायरपुढविकाइया वि एवं चेव, एवं जाव वणस्सइकाइयएगिंदियओरालियसरीरेत्ति । बेइंदियओरालियसरीरे णं भंते ! कइविहे पन्नत्ते ? गोयमा ! दुविहे पन्नत्ते । तंजहा—पज्जत्तगबेइंदियओरालियसरीरे य अपज्जत्तगबेइंदियओरालियसरीरे य । एवं तेइंदिया चउरिंदिया वि । पंचिंदियओरालियसरीरे णं भंते ! कइविहे पन्नत्ते ? गोयमा ! दुविहे पन्नत्ते । तंजहा-तिरिक्खजोणियपंचिंदियओरालियसरीरे य मणुस्सपंचिंदियओरालियसरीरे य । तिरिक्खजोणियपंचिंदियओरालियसरीरे णं भंते ! कइविहे पन्नत्ते ? गोयमा ! तिविहे
३० सुत्ता.
